BAKI,VOA, Fərid Mikayılov
İran Xarici İşlər Nazirliyinin sözçüsü İsmayıl Bəqai yaxın günlərdə İran və ABŞ nümayəndələri arasında Qətərdə danışıqlar keçiriləcəyi ilə bağlı iddiaları təkzib edib.
VOA xəbər verir ki, Bəqai bildirib ki, ABŞ nümayəndələrinin Qətərə səfəri İran nümayəndə heyətinin bu ölkəyə planlaşdırılan səfəri ilə əlaqəli deyil.
O, bununla ABŞ Prezidenti Donald Trampın tərəflərin Tehranın təşəbbüsü ilə çərşənbə axşamı Dohada danışıqlar aparacağı barədə açıqlamasını təkzib etmiş olub.
İsmayıl Bəqai jurnalistlərə açıqlamasında son qarşıdurmanın başa çatdırılması məqsədilə imzalanmış anlaşma memorandumunun icrası ilə bağlı son vəziyyətə də toxunub. O bildirib ki, hazırda Tehran üçün əsas prioritet sənəddə nəzərdə tutulan öhdəliklərin tam yerinə yetirilməsidir.
Nazirin sözlərinə görə, İran memorandum çərçivəsində irəli sürdüyü tələblərin icrasını yaxından izləyir və bu istiqamətdə fəaliyyətini davam etdirir.