BAKI,VOA,Yusif Şərifzadə
İran Prezidenti Məsud Pezeşkian ABŞ və İran arasında əldə olunan memorandumun ölkənin milli dayanıqlığını nümayiş etdirdiyini bildirib.
VOA xəbər verir ki, Pezeşkian bu barədə sosial şəbəkə platforması X-də paylaşım edib.
O qeyd edib ki, razılaşma İranın təzyiq və təhdidlər qarşısında müstəqillik və ləyaqətini qoruduğunu göstərir.
Prezident sənədin “milli dayanıqlılıq, siyasi rasional yanaşma və məsuliyyətli diplomatiyanın nəticəsi” olduğunu vurğulayıb.
Pezeşkian imzalanmış memorandumun mətnini də ictimaiyyətlə bölüşüb.
Məlumata görə, ABŞ və İran arasında ilk birbaşa danışıqlar 1979-cu ildən sonra bu ilin aprelində Pakistanda keçirilib.
Sənədə əsasən, tərəflər bir-birinin suverenliyi və ərazi bütövlüyünə hörmət etməyi öhdəsinə götürür.
Həmçinin daxili işlərə qarışmamaq prinsipi razılaşmada xüsusi qeyd olunub.