BAKI,VOA, Fərid Mikayılov
İran mediası ABŞ ilə mümkün sazişin layihəsinin hələ də Tehranda incələndiyini və hələlik rəsmi cavabın göndərilmədiyini bildirib.
VOA xəbər verir ki, İranın Mehr Xəbər Agentliyi ABŞ ilə danışıqlar prosesinə dair məlumatlı mənbəyə istinadən yayımladığı xəbərdə qeyd edib ki, layihə hələ də Tehran tərəfindən nəzərdən keçirilir və danışıqların vasitəçisi olan Pakistan tərəfinə heç bir rəsmi cavab verilməyib.
Bildirilib ki, ABŞ-ın əvvəlki danışıqlarında öhdəliklərini tam yerinə yetirməməsi İranın daha ehtiyatlı davranmasına səbəb olub. Habelə İranın əvvəlki təcrübələrinə əsaslanaraq mümkün sazişdən konkret faydalar əldə etməyə yönəldiyi vurğulanıb.