BAKI,VOA, Fərid Mikayılov

İranın Xarici İşlər Nazirliyinin sözçüsü İsmayıl Bəqai ABŞ rəsmilərinin Oman Sultanlığına qarşı səsləndirdiyi təhdid xarakterli bəyanatları kəskin şəkildə pisləyib.

VOA xəbər verir ki, Bəqai bildirib ki, ABŞ Maliyyə Nazirliyinin Omanı sanksiyalarla hədələməsi və ABŞ Prezidenti Donald Tramp tərəfindən səsləndirilən sərt açıqlamalar “müstəqil BMT üzv dövlətinə qarşı təzyiq və şantaj cəhdi” kimi qiymətləndirilməlidir.

Onun sözlərinə görə, bu cür davranışlar ABŞ idarəetmə sistemində “əxlaqi geriləməni” göstərir və BMT Nizamnaməsi ilə beynəlxalq hüququn əsas prinsiplərinə ziddir.

ABŞ Maliyyə Nazirliyinin rəhbəri Skott Bessent daha əvvəl Omanı İranla əlaqəli Hörmüz boğazında mümkün tarif və ya nəzarət mexanizmlərinə dəstək verəcəyi təqdirdə “sanksiyalarla sərt şəkildə hədəf alacaqları” barədə xəbərdarlıq etmişdi.

İran XİN sözçüsü beynəlxalq ictimaiyyəti bu cür addımlara qarşı məsuliyyətli mövqe sərgiləməyə çağırıb və beynəlxalq hüquq normalarının pozulmasının normallaşdırılmasının qarşısının alınmasının vacibliyini vurğulayıb.