BAKI,VOA Yusif Şərifzadə
Pakistan ABŞ və İran arasında vasitəçilik rolunu davam etdirərək tərəfləri dialoqun davam etdirilməsinə çağırıb və prosesin uzadılmamasının vacibliyini vurğulayıb.
VOA xəbər verir ki, Pakistan uzun müddətdir ki, ABŞ və İran arasında dolayı kommunikasiya kanalı kimi çıxış edir.
Vaşinqton Tehrana mesaj göndərmək istədikdə bu kanaldan istifadə olunur və əksinə, İran da mesajlarını ABŞ-a çatdırmaq üçün Pakistan vasitəsilə əlaqə saxlayır.
Hazırda bu kommunikasiya xətləri açıq qalır. Proses Pakistan daxili işlər nazirinin İrana iki günlük səfərini başa vurduğu dövrə təsadüf edir.
İslamabad dialoqun davam etdirilməsini dəstəkləsə də, “vaxtın çox vacib olduğu” barədə xəbərdarlıq edib. Eyni zamanda ABŞ Prezidenti də “vaxtın tükəndiyini” bildirərək prosesin sürətlə nəticələnməsinin vacibliyinə diqqət çəkib.