BAKI,VOA, Fərid Mikayılov

ABŞ və İran arasında davam edən danışıqlar fonunda Tehrandan sərt açıqlama verilib.

VOA xəbər verir ki, İran parlamentinin Milli Təhlükəsizlik və Xarici Siyasət Komissiyasının sözçüsü İbrahim Rızai Vaşinqtonla aparılan müzakirələrdə ABŞ-nin İranın şərtlərini qəbul etməli olduğunu bildirib.

Onun sözlərinə görə, bölgə ölkələri və neft alıcıları Hörmüz boğazında yaranmış vəziyyət səbəbindən ABŞ-yə təzyiq göstərir. Bu ölkələr keçidlərin bərpası üçün Vaşinqtondan müvafiq addımların atılmasını tələb edir.

Rızai qeyd edib ki, Hörmüz boğazı üzərindən keçidlərin bərpası məsələsi danışıqların əsas mövzularından biridir və bu istiqamətdə İranın mövqeyi dəyişməz qalır.

Eyni zamanda bildirilib ki, Hörmüz boğazından keçidlərin ödənişli olması ilə bağlı İran parlamentində qanunvericilik təşəbbüsləri üzərində iş aparılır. Onun sözlərinə görə, mövcud vəziyyət müharibədən əvvəlki qaydalara qayıdış demək deyil.

Rızai vurğulayıb ki, İranın ABŞ ilə aparılan danışıqlarda müəyyən etdiyi 10 əsas şərtdən geri addım atılması mümkün deyil.