Bakı, AzerVoice

ABŞ rəsmilərinin sözlərinə görə, Pentaqonun son həftələrdə Yaxın Şərqdə Hərbi Dəniz Qüvvələrinə məxsus iki təyyarədaşıyan gəmi saxlamaqla bağlı nadir görülən qərarı cin geri qayıtmağa başlaması ilə sona çatıb.

ABŞ Müdafiə Naziri Lloyd Austin USS Abraham Linkoln-un bölgəyə daha tez çata bilməsi üçün Ruzveltin missiyasının qısa müddətlik uzadılmasını və bölgədə qalmasını əmr etmişdi. Bayden administrasiyası İran və onun dəstəklədiyi qrupların mümkün hücumlarına qarşı İsrailə kömək etmək və ABŞ əsgərlərini qorumaq üçün bölgədəki ABŞ hərbi varlığını artırmışdı.

ABŞ-ın Yaxın Şərqdəki komandirləri uzun müddətdir ki, ABŞ-ın təyyarədaşıyan gəmisi və onu müşayiət edən döyüş gəmilərinin mövcudluğunun regionda, xüsusən də İran üçün təsirli bir çəkindirici ünsür olduğunu iddia edirlər. Keçən oktyabr ayında İsrailin Qəzza zolağına başladığı hücumlarından bu yana bölgədə və ətrafında mütəmadi bir təyyarədaşıyıcı mövcud olub və qısa müddət ərzində də olsa, bölgədə eyni anda iki təyyarədaşıyıcı olacaq şəkildə fəaliyyət göstəriblər.

Qeyd edək ki, USS Dwight D. Eisenhower İsraili qorumaq və ticarət və hərbi gəmiləri Yəməndə İranın dəstəklədiyi husilərin hücumlarından qorumaq üçün bu ilin əvvəlində Qırmızı dənizdə bir neçə ay qalmışdı. Virciniya ştatının Norfolk şəhərində yerləşən təyyarə gəmisi Hərbi Dəniz Qüvvələrinin "İkinci Dünya Müharibəsindən bəri müşahidə edilən ən intensiv döyüş" olduğunu bildirdiyi səkkiz aydan çoxdur icra etdiyi vəzifəsindən sonra vətənə qayıtmışdı.

Hazırda bir neçə başqa döyüş gəmisi ilə Oman körfəzində olan Linkoln, təxminən üç həftə əvvəl Yaxın Şərqə çatmış və bu günə qədər Ruzveltlə birlikdə hərəkət etmişdir.

Xatırladaq ki, Şərqi Aralıq dənizində də çoxlu ABŞ gəmiləri mövcuddur. Qırmızı dənizdə iki esmines və idarə olunan raket sualtı gəmisi USS Georgia fəaliyyət göstərməkdədir.

Sonda əlavə edək ki, ABŞ-ın bölgədəki hərbi fəallığının ən böyük səbəbi İsrailin təhlükəsizliyini təmin etməkdir.