BAKI,VOA, Fərid Mikayılov

Türkiyə Prezidenti Rəcəb Tayyib Ərdoğan Ankarada keçirilən NATO sammitində iştirak edən Avropanın ali rəhbərlərinə xüsusi hazırlanmış lüks odlu silahlar hədiyyə edib.

VOA xəbər verir ki, Avropa Komissiyasının Prezidenti Ursula von der Leyen və Avropa Şurasının Prezidenti Antonio Koştaya sammitin yekununda üzərində oyma naxışlar olan xüsusi tapançalar, canlı sursat və təmizləyici dəstlər təqdim olunub.

Avropa Şurasının rəsmisi bildirib ki, Antonio Koştanın mühafizə qrupu hədiyyə edilən silahı dərhal yoxlanışa götürüb. Qeyd olunub ki, silahın Belçikaya gətirilməsi və Şuranın Baş Katibliyinin təhlükəsizlik tələblərinə uyğun saxlanılması üçün rəsmi prosedurlar izləniləcək. Ursula fon der Lyayenin komandası isə silahın taleyi ilə bağlı hələlik rəsmi şərh verməyib.

Ekspertlərin fikrincə, yüksək qiymətli bu təntənəli tapançalar Avropa İttifaqının hədiyyə dəyəri ilə bağlı tətbiq etdiyi daxili məhdudiyyətləri aşdığı üçün rəhbərlər tərəfindən şəxsi mülkiyyət kimi saxlanıla bilməz. Artıq bəzi Avropa liderləri, o cümlədən Böyük Britaniyanın Baş naziri Kir Starmer və Niderlandın Baş naziri Rob Yetten rəsmi bəyanat yayaraq, onlara verilən tapançaları ölkələrinə aparmayacaqlarını və zərərsizləşdirilməsi üçün Türkiyədə qoyacaqlarını bildiriblər.