BAKI,VOA, Fərid Mikayılov
Türkiyə Prezidenti Rəcəb Tayyib Ərdoğan Şanlıurfada baş vermiş insidentlə bağlı danışıb.
VOA xəbər verir ki, Ərdoğan parlamentdə keçirilən çıxışı zamanı Siverek rayonunda məktəbdə baş verən hadisənin cəmiyyət üçün ağır olduğunu bildirib.
Məlumata əsasən, o hadisə ilə bağlı araşdırmaların başladıldığını, bir nəfərin saxlanıldığını və 4 idarəçinin vəzifəsindən uzaqlaşdırıldığını açıqlayıb.
Qeyd olunub ki, hadisə bütün istiqamətlər üzrə araşdırılır və məsuliyyəti olan şəxslər mütləq cavab verəcək.
Bildirilib ki, insident zamanı yaralanan 16 nəfərdən 7-si artıq evə buraxılıb, 9 nəfərin müalicəsi isə davam edir.
Ərdoğan yaralılara şəfa diləyib və zərərçəkən ailələrə, təhsil ictimaiyyətinə və Siverek sakinlərinə başsağlığı və dəstək mesajı ünvanlayıb.