BAKI,VOA, Fərid Mikayılov
Türkiyə Prezidenti Rəcəb Tayyib Ərdoğan Bosniya və Herseqovina Rəyasət Heyətinin sədri Denis Beçiroviç ilə görüş keçirib.
VOA xəbər verir ki, Türkiyə Prezident Administrasiyasının yaydığı məlumata görə, görüş İstanbulda Dolmabağça iş ofisində baş tutub.
Görüş zamanı Türkiyə ilə Bosniya və Herseqovina arasında ikitərəfli münasibətlər və regional məsələlər müzakirə olunub.
Rəcəb Tayyib Ərdoğan Türkiyənin Bosniya və Herseqovinanın suverenliyi, ərazi bütövlüyü və konstitusiya quruluşuna dəstəyinin davam edəcəyini vurğulayıb. O bildirib ki, şəxsi maraqlar naminə ölkənin sabitliyinin pozulmasına yol verilməməlidir.
Türkiyə Prezidenti həmçinin qeyd edib ki, region yeni gərginliklərə hazır deyil və ölkənin birliyini hədəf alan təxribat xarakterli bəyanatlar heç kimə fayda gətirmir.