BAKI, VOA, Nailə Babazadə

Türkiyə Daxili İşlər Nazirliyi beynəlxalq səviyyədə axtarışda olan və xarici ölkələrə qaçan cinayətkarlara qarşı genişmiqyaslı əməliyyat keçirib.

VOA xəbər verir ki, Türkiyə Daxili İşlər Nazirliyi rəsmi şəxsləri ilə yanaşı, Qaçaqmalçılıq və Mütəşəkkil Cinayətkarlıqla Mübarizə, Kəşfiyyat, Narkotik, Kiber Cinayətlər, Asayiş və Terrorla Mübarizə bölmələrinin koordinasiyalı fəaliyyəti nəticəsində ümumilikdə 41 fərari saxlanılaraq ölkəyə gətirilib. Bildirilib ki, onlardan 23-ü İnterpolun qırmızı bülleteni ilə, 18-i isə milli səviyyədə axtarışda olub.

Saxlanılan şəxslər arasında mütəşəkkil cinayətkar qruplaşmaların rəhbərləri də var. "Qırmızı bülleten"lə axtarılanların siyahısında inisiallar olan şəxslər yer alıb.

Əməliyyatın coğrafiyası 10 fərqli ölkəni əhatə edib. Şübhəlilərin 27-si Gürcüstandan, 5-i Bolqarıstandan, 2-si Almaniyadan gətirilib. Siyahıda həmçinin Azərbaycan, Albaniya, Belçika, İraq, İngiltərə, Monteneqro və Sloveniya kimi ölkələr də var. Sözügedən şəxslər qəsdən adam öldürmə, narkotik vasitələrin qanunsuz dövriyyəsi, talançılıq, dələduzluq, oğurluq və kiber cinayətlər kimi müxtəlif ağır maddələrlə ittiham olunurlar. Hazırda bütün saxlanılanlar məhkəmə qarşısına çıxarılmaq üçün müvafiq təhlükəsizlik orqanlarına təhvil verilib.