BAKI, AzerVoice, Nailə Babazadə

İstanbul, TRT World Forum – Prezident Rəcəb Tayyib Ərdoğan İstanbulda bu il “Qlobal Yenidənqurma: Köhnə Dünyadan Yeni Reallıqlara” mövzusunda keçirilən TRT World Forumunun açılış nitqində çıxış edib.

AzerVoice xəbər verir ki, Ərdoğan bildirib ki, iki illik zülmdən sonra, Türkiyənin dəstəyi ilə HƏMAS və İsrail arasında atəşkəs razılaşması əldə edilib və Qəzzalılar ilk dəfə rahat nəfəs ala biliblər. HƏMAS razılaşmaya riayət edərkən, İsrail isə atəşkəsi pozmaq üçün fürsət gözləyir və son günlərdə yenidən yüzdən çox Qəzzalı şəhid olub, onların çoxu uşaqdır.

Prezident vurğulayıb ki, atəşkəsin davamı, insani yardımların çatdırılması və Qəzzanın yenidən bərpası yalnız İsraili təzyiq altında saxlamaqla mümkün olacaq. Türkiyə Qəzzanı ayağa qaldırmaq üçün tam dəstək verməyə hazırdır.

Ərdoğan həmçinin Fələstinli qardaşları heç vaxt tək buraxmayacaqlarını və iki dövlətli həlli dəstəkləməyə davam edəcəklərini söyləyib. Son dövrdə bir-birinin ardınca gələn Fələstini tanıma qərarlarını son dərəcə əhəmiyyətli hesab etdiyini bildirən prezident, hələ qərar qəbul etməyən ölkələri də Fələstin dövlətini tanımağa çağırıb.