BAKI, AzerVoice, Nailə Babazadə
Türkiyənin Balıkesir vilayətinin Sındırgı rayonunda 4,6 bal gücündə daha bir zəlzələ qeydə alınıb.
AzerVoice xəbər verir ki, Türkiyə Fövqəladə Halların İdarə Olunması Agentliyinin (AFAD) məlumatına görə, saat 10:10-da baş verən yeraltı təkanların dərinliyi 6,22 kilometr olub.
Qeyd edək ki, Türkiyənin Balıkəsir vilayətinin Sındırgı rayonunda dünən gecə 6,1 maqnitudalı zəlzələ baş verib. Fövqəladə Halların İdarə Edilməsi Rəhbərliyi (AFAD) məlumatında qeyd olunur ki, yeraltı təkanların mərkəzi Sındırgı, dərinliyi isə 5,99 kilometr olub.
Zəlzələ İstanbul, Bursa, Çanaqqala və ətraf bölgələrdə də hiss olunub. Türkiyənin daxili işlər naziri Əli Yerlikaya, sosial media hesabında paylaşım edərək hadisə ilə bağlı açıqlama verib.
O qeyd edib ki hal hazırda zəlzələnin fəsadları araşdırılır . AFAD və digər müvafiq qurumlarımızın bütün komandaları dərhal sahə yoxlamalarına başlayıblar”-deyə o bildirib.