BAKI, AzerVoice, Nərmin Ağayeva
Türkiyə Prezidenti Rəcəb Tayyib Ərdoğan Pakistanın Baş naziri Şahbaz Şəriflə telefon danışığı aparıb.
AzerVoice xəbər verir ki, Türkiyə Prezident Administrasiyasının Kommunikasiya İdarəsinin sosial media hesabından verilən açıqlamaya əsasən, görüşdə ikitərəfli münasibətlər, regional və qlobal məsələlər müzakirə edilib.
Ərdoğan Pakistanda baş verən sel və torpaq sürüşmələri nəticəsində yaranan itkilərə görə Şərifə başsağlığı verib və xəsarət alanlara şəfa diləyib. O, Türkiyənin qardaş Pakistan xalqının yanında olduğunu, yardım səylərini davam etdirdiyini və daha hərtərəfli dəstək verməyə hazır olduğunu vurğulayıb.
Qeyd edək ki, Türkiyə ilə Pakistan arasındakı qədim dostluq və sıx əməkdaşlıq, xüsusilə təbii fəlakətlər zamanı humanitar yardım sahəsində özünü göstərir. Ərdoğan daha əvvəl də Pakistanın təbii fəlakətlərdən zərər çəkmiş bölgələrinə dəstək üçün addımlar atılmasını təşviq edib.