BAKI, AzerVoice, Nərmin Ağayeva
İstanbul Böyükşəhər Bələdiyyəsində (İBB) korrupsiya istintaqı çərçivəsində saxlanılan Beyoğlu Bələdiyyə Başçısı İnan Güney də daxil olmaqla 44 nəfər ədliyyəyə sövq olunub.
AzerVoice xəbər verir ki, daha bir nəfərin saxlanılması ilə şübhəlilərin ümumi sayı 45-ə yüksəlib.
İstanbul Baş Prokurorluğunun apardığı istintaqa əsasən, Medya A.Ş., Kültür A.Ş. və İBB daxilində müxtəlif fırıldaqçılıq fəaliyyətlərində iştirak etdikləri müəyyən edilən 35 nəfər, eləcə də Murat Ongun və qaçaq vəziyyətdə olan Emrah Bağdatlı ilə əlaqəsi olduğu iddia edilən 9 nəfər saxlanılıb.
Qeyd edək ki, əməliyyat çərçivəsində Beyoğlu Bələdiyyə Başçısı İnan Güney də həbs edilənlər arasında yer alıb.