BAKI, AzerVoice, Səməd Əyyubov
Türkiyənin Balıkesir vilayətinin Sındırqı rayonunda baş verən 6,1 bal gücündə zəlzələdən sonra 879 afterşok qeydə alınıb.
AzerVoice xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.
Məlumata görə, avqustun 10-da yerli vaxtla saat 19:53-də baş verən əsas zəlzələdən sonra qeydə alınan afterşoklardan 17-si 4-5 bal, 120-si isə 3-4 bal gücündə olub.
Xatırladaq ki, Balıkesir vilayətinin Sındırqı rayonunda 6,1 bal gücündə zəlzələ baş vermişdi. Zəlzələ nəticəsində 16 bina çökmüşdü, bir nəfər isə həyatını itirmişdi. Zəlzələ Balıkesir vilayəti ilə yanaşı ölkənin digər bölgələrində də hiss olunmuşdu.