BAKI, Azervoice, Nərmin Ağayeva
İstanbulda Qəzzaya dəstək yürüşü keçiriləcək.
Azervoice xəbər verir ki, Fələstinə Dəstək Platforması İsrailin hücumlarına məruz qalan Qəzza xalqına dəstək məqsədilə 9 avqust tarixində Bəyazıt Meydanından Ayasofya məscidinə qədər yürüş təşkil edəcək. Platforma sosial media hesabında “Qəzzəyə ümid işığı ol!” başlığı ilə bütün vətəndaşları yürüşə qatılmağa çağırıb.
Yürüş şənbə günü axşam namazından sonra başlayacaq və iştirakçılar fənər gətirərək soyqırım və aclığın məngənəsində olan Qəzzaya dəstək mesajı verəcəklər. Tədbir Bəyazıt meydanında başlayıb Ayasofya məscidində yekunlaşacaq.
Qeyd edək ki, bu təşəbbüs İsrailin Qəzzaya qarşı hücumlarına qarşı xalq həmrəyliyini nümayiş etdirmək məqsədilə həyata keçirilir.