BAKI, AzerVoice
Türkiyə Respublikasının Vitse-prezidenti Cevdət Yılmaz, soyqırımçı İsrailin Qəzzaya humanitar yardım daşıyan “Madleen” gəmisinə müdaxiləsinə sosial media hesabından sərt reaksiya verib.
AzerVoice xəbər verir ki, Yılmaz, qalıcı həll üçün konkret addımlar atılmasının vacibliyinə diqqət çəkərək aşağıdakı fikirləri bölüşüb:
“İsrailin beynəlxalq sularda ‘Madleen’ adlı gəmiyə qarşı etdiyi müdaxiləni lənətləyirik.
İnsani dəyərləri və hüququ heçə sayan, humanitar yardımları əngəlləyərək cinayətlərinə yenilərini əlavə edən Netanyahu rəhbərliyi beynəlxalq ictimaiyyətdən lazımi cavabı almalıdır.
Biz tezliklə atəşkəsin təmin edilməsini, humanitar yardımların fasiləsiz şəkildə Qəzzaya çatdırılmasını və iki dövlətli, qalıcı həll üçün konkret addımlar atılmasını gözləyirik.
Türkiyə Respublikası olaraq hər sahədə məzlum Fələstin xalqının yanında olmağa davam edəcəyik.
Tarixi bir müqavimət göstərən Fələstin xalqı və insani dəyərlər gec-tez qalib gələcək. İsrail rəhbərliyinin zülm və soyqırım siyasəti insanlıq birliyi qarşısında məğlub olmağa məhkumdur.”
Qeyd edək ki, İsrail hərbçiləri, Qəzzaya yardım göndərmək məqsədilə yola çıxan "Madleen" adlı gəmini ələ keçirib və gəmidəki 12 fəalı, o cümlədən Qreta Tanberqi həbs edərək gəmini Aşdod limanına gətirib.
İsrailin qanunsuz blokadasına qarşı açıq etiraz olaraq Fələstin tərəfdarı Azadlıq Donanması Koalisiyası (FFC) tərəfindən təşkil edilib.
Azadlıq Donanması Koalisiyası, Telegram üzərindən "SOS! Madleen gəmisindəki könüllülər İsrail qüvvələri tərəfindən oğurlanıb" mesajını yayımlayaraq, gəminin ələ keçirildikdən sonra əlaqənin kəsildiyini bildirdi.
Canlı yayımlanan görüntülərdə, İsrail gəmilərinin "Madleen" gəmisini əhatə etdiyi və fəallara əllərini havaya qaldırmağı əmr etdiyi görünür. Gəmi, Qəzzaya humanitar yardım göndərməyi və oradakı böhrana diqqət çəkməyi hədəfləyirdi.
Həmçinin, HƏMAS hərəkatı, beynəlxalq ictimaiyyəti İsrailin yardım gəmisinə qarşı amansız hücumunu pisləməyə çağırıb.
Birləşmiş Millətlər Təşkilatının Fələstindəki insan hüquqları üzrə xüsusi müşavirəsi Francesca Albanese, gəminin işğalçı qüvvələr tərəfindən ələ keçirilməsindən sonra, Britaniya hökumətinə dərhal tədbir görməyi və gəmini və sərnişinlərini azad etməyə çalışmasını tövsiyə edib.
Albanese, Azadlıq Donanması Koalisiyasının əməliyyatını dəstəkləyərək, digər gəmilərə Qəzza blokadasına qarşı mübarizə aparmalarını çağırıb.