BAKI, AzerVoice

Türkiyənin yerli helikopter eniş dəstək sistemi HEGİDAS istifadəyə verilib.

AzerVoice xəbər verir ki, Türkiyədə ilk dəfə STM tərəfindən lokallaşdırılan və döyüş gəmilərində istifadə üçün nəzərdə tutulan Helikopter Vizual Eniş Dəstəyi İşıqlandırma Sistemi (HEGİDAS) korvet ixracı layihəsi çərçivəsində istifadəyə verilib.

STM-nin əsas podratçılığı ilə hazırlanan HEGİDAS sistemi yaxın zamanda daha bir korvetə inteqrasiya olunacaq. Texnologiyanın Malayziya Korvet Layihəsində 3 ədəd korvetdə və Türkiyənin MİLGEM İstifləmə Sinifinin 6-cıdan 12-ci gəmisinə qədər olan hissəsində tətbiqi planlaşdırılır.

Ümumilikdə, HEGİDAS həm ölkə daxilində, həm də beynəlxalq miqyasda 12 yerüstü platformaya yerləşdiriləcək. Sistem gecə vaxtı və görmə şəraiti zəif olan hallarda pilotlara daha təhlükəsiz eniş imkanı yaradaraq onların iş yükünü minimuma endirir.

Qeyd edək ki, HEGİDAS Türkiyənin yerli hərbi texnologiyalar sahəsində qazandığı önəmli uğurlardan biri hesab olunur və bu sahədə ixrac potensialını daha da artırmaq gücündədir.