Bakı,AzerVoice

Kolumbiya Hərbi Hava Qüvvələrinin yüksək rütbəli zabitlərindən ibarət nümayəndə heyəti qısa uçuş-enmə zolaqları olan gəmilərdə havaya qalxıb enmə qabiliyyətinə malik dünyada ilk PUA olan Bayraktar TB3-ün əməliyyat imkanlarını yoxlamaq üçün Türkiyəyə səfər edəcək.

AzerVoice xəbər verir ki, ölkə kifayət qədər yüksəkliyə və avtonom xüsusiyyətlərə malik uzaqdan idarə olunan təyyarələrlə maraqlanır və bu çərçivədə Kolumbiya Hərbi Hava Qüvvələrinin inventarını gücləndirməyi hədəfləyir.

Baykar tərəfindən hazırlanmış Bayraktar TB3 PUA, 19 Noyabr 2024-cü ildə TCG Anadolu-nun qısa eniş zolağından 12 dərəcə enişli enişlə uğurla havaya qalxıb.

Egey və Aralıq dənizinin qovuşduğu nöqtədə 46 dəqiqəlik tarixi sınaq uçuşu həyata keçirən Bayraktar TB3, heç bir eniş dəstək avadanlığından istifadə etmədən eyni qısa uçuş-enmə zolağına müvəffəqiyyətlə eniş edərək dünya birinciliyinə imza atıb.

Bayraktar TB3 SİHA gəmi sınaqlarını uğurla davam etdirərək Çanaqqala sahillərində üzən TCG Anadolu gəmisində həyata keçirilən ikinci uçuş sınağında eniş dəstək avadanlığından istifadə etmədən daha iki dəfə uğurla eniş edib və havaya qalxıb. Test parametrlərini müvəffəqiyyətlə yerinə yetirən PUA, orta hesabla 20 min fut yüksəklikdə uçaraq testi uğurla başa vurdu.