BAKI,VOA

Kolumbiya Prezidenti Gustavo Petro ABŞ Prezidenti Donald Trump-a İsrailin Baş naziri Benjamin Netanyahu ilə “arasına məsafə qoyması” çağırışı edib.

VOA xəbər verir ki, Petro bu barədə ABŞ-da vətəndaş hüquqları hərəkatının tanınmış simalarından olan Jesse Jackson üçün Chicago şəhərində təşkil edilən dəfn mərasimində çıxışı zamanı danışıb.

Kolumbiya lideri çıxışında Yaxın Şərqdə davam edən qarşıdurmalara toxunaraq Ceksonu Amerika qitəsində Afrika mənşəli xalqların azadlıq mübarizəsinin “canlı simvolu” adlandırıb.

Petro ABŞ prezidentinə müraciət edərək bildirib ki, artıq Trampın özünü “insanlığı uçuruma aparan şəxsdən” – Netanyahu ilə tam şəkildə ayırmasının vaxtı çatıb.

Kolumbiya prezidenti Yaxın Şərqdəki gərginliyə diqqət çəkərək vurğulayıb ki, dünya ölkələri birləşməlidir. Onun sözlərinə görə, raketlərə qarşı dura biləcək yeganə qüvvə insanlığın dəstəklədiyi sözün və diplomatiyanın gücüdür.

Petro regionda artan hərbi gərginliyə görə Netanyahunu məsul hesab etdiyini bildirərək Yaxın Şərqdə sülhün mümkün qədər tez bərpa olunmasının vacibliyini qeyd edib.

Onun çıxışı mərasim iştirakçıları tərəfindən alqışlarla qarşılanıb, bəzi şəxslər isə ayağa qalxaraq dəstəyini ifadə edib.

Tədbir zamanı Kolumbiya prezidenti mərasimdə iştirak edən ABŞ-ın sabiq prezidenti Barak Obama ilə qısa söhbət də aparıb.