Bakı,
AzerVoice
Türkiyə Prezidenti Rəcəb Tayyib Ərdoğan, Balıkesirin Karesi
rayonunda silah-sursat fabrikində baş verən partlayışda həyatını
itirənlərə başsağlığı verib.
AzerVoice xəbər verir ki, Ərdoğan,
partlayışın nəticəsi olaraq 12 nəfərin həyatını itirməsinin onu çox
kədərləndirdiyini bildirib.
Ərdoğan mesajında, hadisə ilə bağlı Balıkesir valisi və digər
aidiyyatı qurumlardan məlumat aldığını və dərhal lazımi
araşdırmaların başlanması üçün göstəriş verdiyini vurğulayıb.
O, dünyasını dəyişənlərə rəhmət diləyərək, ailələrinə başsağlığı
verib və yaralananlara tez bir zamanda şəfa diləyib. Həmçinin,
Balıkesir və Türkiyə xalqına başsağlığı verərək, faciəyə qarşı
həmrəyliyini ifadə edib.
