Bakı, AzerVoice

Prezident Rəcəb Tayyib Ərdoğanın sədrliyi ilə Prezident Sarayında keçiriləcək Nazirlər Kabineti iclasında Türkiyənin gündəmində olan əsas məsələlər müzakirə olunacaq.

AzerVoice xəbər verir ki, iclasın əsas prioritetləri arasında 2 PKK terrorçusunun törətdiyi hücumla bağlı istintaq prosesindəki son inkişaflar da var.

Sərhəd xaricində davam edən əməliyyatlar, xüsusən İraq və Suriyanın şimalında PKK/YPG-yə qarşı həyata keçirilən və keçiriləcək hava hücumları geniş şəkildə müzakirə olunacaq. Bu kontekstdə Milli Kəşfiyyat Təşkilatının (MİT) SİHA-larla həyata keçirdiyi əməliyyatlar və əldə edilən kəşfiyyat məlumatları da dəyərləndiriləcək.

İclasda eyni zamanda Orta Şərqdə artan gərginliklər də geniş şəkildə müzakirə ediləcək. İsrailin aqressiv mövqeyi və İran-İsrail ilə İsrail-Livan xəttində yüksələn gərginlik dəyərləndiriləcək. Nazirlər Kabineti regiondakı böhranın Türkiyəyə mümkün təsirləri ilə bağlı strategiyalar hazırlayacaq.

İqtisadiyyat mövzusunda isə 5 sentyabrda açıqlanan Orta Müddətli Proqramdan sonrakı inkişaflar nəzərdən keçiriləcək. İnflyasiyanın birrəqəmli göstəricilərə endirilməsi məqsədilə izləniləcək yol xəritəsi müzakirə olunacaq. Bundan əlavə, sərmayə, məşğulluq və qiymət sabitliyi məsələləri də müzakirə olunacaq.