Türkiyə Prezidenti Rəcəb Tayyib Ərdoğan Səudiyyə Ərəbistanına rəsmi səfərini başa çatdırdıqdan sonra Misirə yollanacaq. Bu, Ankara–Qahirə xətti üzrə liderlərin son dövrlərdə növbəti yüksək səviyyəli təması olacaq. Qeyd edək ki, Prezident Ərdoğanın bu il ərzində ilk xarici səfəri Səudiyyə Ərəbistanına olub. O, Ər-Riyadda vəliəhd şahzadə Məhəmməd bin Salman ilə görüş keçirib. Səudiyyə Ərəbistanındakı təmaslardan sonra Türkiyə Prezidenti Misirin paytaxtı Qahirəyə yola düşəcək.

Türkiyə Milli Müdafiə Nazirliyi (MSB) Hakkari şəhərinin Şemdinli rayonunda səhhətinin kəskin pisləşməsi səbəbilə xəstəxanaya yerləşdirilən Türkiyə Silahlı Qüvvələrinin hərbi qulluqçusu Talat Okurun şəhid olduğunu açıqlayıb. Nazirliyin yaydığı rəsmi məlumata əsasən, texniki təminat üzrə baş gizir rütbəsində xidmət edən Talat Okur ilkin tibbi müayinədən və müalicədən sonra Şemdinli Dövlət Xəstəxanasına yerləşdirilib.

Türkiyədə kiber cinayətlərə qarşı keçirilən genişmiqyaslı əməliyyatlar nəticəsində 90 şübhəli saxlanılıb, onlardan 58-i barəsində həbs qətimkan tədbiri seçilib. Nazir bildirib ki, əməliyyatlar zamanı ümumi dövriyyə həcmi təxminən 1,1 milyard lirə olan kiber cinayət şəbəkəsi ifşa edilib. Saxlanılan şübhəlilərdən 25-i barəsində məhkəmə nəzarəti tədbirləri tətbiq olunub, digərləri üzrə isə istintaq davam etdirilir.

Türkiyə ilə Səudiyyə Ərəbistanı liderlərinin Ər-Riyadda keçirdiyi təmaslardan sonra iki ölkə 31 maddəlik birgə bəyanat qəbul edib. Sənəddə tərəflər regional gərginliklərin artmasından narahatlıq ifadə edərək, diplomatik əlaqələndirmənin davam etdiriləcəyini bildiriblər. Bəyanatın mühüm hissələrindən biri iqtisadi-ticarət əlaqələrinin genişləndirilməsi, qarşılıqlı investisiyaların təşviqi və özəl sektor xətti ilə əməkdaşlığın artırılması ilə bağlıdır.

ABŞ mediası İranla ABŞ arasında planlaşdırılan danışıqlarla bağlı diqqətçəkən iddia irəli sürüb.ABŞ mətbuatında diplomatik mənbələrə istinadla yayılan xəbərlərdə İranın cümə günü ABŞ-la keçirilməsi nəzərdə tutulan danışıqların İstanbuldan Omana köçürülməsini istədiyi bildirilir. Xəbərlərə görə, İran tərəfi görüşlərin Türkiyədə deyil, başqa məkanda baş tutmasını təklif edib.

Türkiyə Prezidenti Rəcəb Tayyib Ərdoğan Səudiyyə Ərəbistanına rəsmi səfəri çərçivəsində regional və ikitərəfli məsələlərə dair geniş açıqlamalar verib. Ərdoğan Türkiyənin ABŞ ilə İran arasında artan gərginliyin azaldılması üçün vasitəçilik etməyə hazır olduğunu vurğulayıb. O qeyd edib ki, bölgədə münaqişə riskini artıracaq addımlardan çəkinmək, dialoq və diplomatiya yolu ilə həll mexanizmlərini gücləndirmək zəruridir.

Türkiyə Prezidenti Rəcəb Tayyib Ərdoğanın Səudiyyə Ərəbistanına səfəri çərçivəsində Ər-Riyadda "Səudiyyə Ərəbistanı-Türkiyə İnvestisiya Forumu" keçirilib. Forumda çıxış edən Türkiyənin ticarət naziri Ömer Bolat bu səfərin tarixi xarakter daşıdığını və imzalanacaq çoxsaylı müqavilələrlə iki ölkə arasındakı dostluq münasibətlərinin iqtisadi sahədə daha da möhkəmlənəcəyini bildirib.

Türkiyə və Özbəkistan azad və xüsusi iqtisadi zonalarda qarşılıqlı investisiya və texnologiya cəlb edən modellər yaratmağı hədəfləyir. Bu məqsədlə iki ölkə arasında təlim kursları, konfranslar və qarşılıqlı nümayəndə heyətlərinin səfərlərinin təşkili planlaşdırılır. Ötən həftə Özbəkistan Prezidenti Şavkat Mirziyoyevin Ankarada Türkiyə Prezidenti Rəcəb Tayyib Ərdoğan ilə keçirdiyi görüşlər və Türkiyə-Özbəkistan Yüksək Səviyyəli Strateji Əməkdaşlıq Şurasının 4-cü iclası mühüm razılaşmalarla yekunlaşıb. Bu çərçivədə Türkiyənin Ticarət Nazirliyi ilə Özbəkistanın İnvestisiya, Sənaye və Ticarət Nazirliyi arasında azad və xüsusi iqtisadi zonalar sahəsində əməkdaşlığa dair anlaşma memorandumu imzalanıb.

Türkiyənin ilk reaktiv mühərrikli təyyarəsi olan HÜRJET-in İspaniyaya ixracı ilə beynəlxalq bazarların qapısı açılıb. Hazırda bir neçə ölkə və potensial tərəfdaşla danışıqlar davam etdirilir. HÜRJET İspaniya Hərbi Hava Qüvvələrinin inventarında olan və istismar müddətini başa vuran F-5 (AE.09) təyyarələrini əvəz edəcək.

Türkmənistanın Nazirlər Kabineti sədrinin müavini, xarici işlər naziri Rəşid Meredov Əfqanıstanın iqtisadi məsələlər üzrə baş nazirinin müavini Molla Əbdül Qəni Bəradərlə Herat vilayətində görüş keçirib. Görüşdə Əfqanıstanın mədən və neft naziri Molla Hidayətullah Bədri, energetika və su ehtiyatları naziri Hacı Molla Məhəmməd Yunus Axundzadə, eləcə də hər iki ölkənin rəsmi nümayəndələri iştirak ediblər.

Türkiyə Prezidenti Rəcəb Tayyib Ərdoğan yeni ilin ilk xarici səfəri çərçivəsində Yaxın Şərq turuna başlayıb. Dövlət başçısı "TUR" təyyarəsi ilə Səudiyyə Ərəbistanının paytaxtı Ər-Riyada yola düşüb. Səfər çərçivəsində Ərdoğanı Türkiyənin xarici işlər, maliyyə, enerji, müdafiə və digər sahələr üzrə aparıcı nazirlərindən ibarət geniş nümayəndə heyəti müşayiət edir. Ər-Riyadda vəliəhd şahzadə Məhəmməd bin Salman ilə görüşəcək Ərdoğan fevralın 4-də Misirə yola düşəcək. Qahirədə həmkarı Əbdülfəttah əs-Sisi ilə bir araya gələcək Türkiyə lideri burada Türkiyə-Misir Yüksək Səviyyəli Strateji Əməkdaşlıq Şurasının ikinci iclasına həmsədrlik edəcək. Həmçinin Ərdoğanın Türkiyə-Misir İş Forumunda iştirakı da planlaşdırılır.

Türkiyənin daxili işlər naziri Ali Yerlikaya sosial media hesabından verdiyi rəsmi açıqlamada MLKP terror təşkilatına qarşı keçirilən genişmiqyaslı əməliyyatlar barədə məlumat paylaşıb. İstanbul Respublika Baş Prokurorluğu və İstanbul Polis İdarəsinin koordinasiyası ilə Terrorla Mübarizə və Kəşfiyyat şöbə müdirliyi tərəfindən həyata keçirilən tədbirlər çərçivəsində, silahlı terror təşkilatının mətbuat və gənclər qanadları vasitəsilə fəaliyyət göstərən şəxslər müəyyən edilərək hədəf alınıb.