Türkiyə Prezidenti Rəcəb Tayyib Ərdoğan yeni ilin ilk xarici səfəri çərçivəsində Yaxın Şərq turuna başlayıb. Dövlət başçısı "TUR" təyyarəsi ilə Səudiyyə Ərəbistanının paytaxtı Ər-Riyada yola düşüb. Səfər çərçivəsində Ərdoğanı Türkiyənin xarici işlər, maliyyə, enerji, müdafiə və digər sahələr üzrə aparıcı nazirlərindən ibarət geniş nümayəndə heyəti müşayiət edir. Ər-Riyadda vəliəhd şahzadə Məhəmməd bin Salman ilə görüşəcək Ərdoğan fevralın 4-də Misirə yola düşəcək. Qahirədə həmkarı Əbdülfəttah əs-Sisi ilə bir araya gələcək Türkiyə lideri burada Türkiyə-Misir Yüksək Səviyyəli Strateji Əməkdaşlıq Şurasının ikinci iclasına həmsədrlik edəcək. Həmçinin Ərdoğanın Türkiyə-Misir İş Forumunda iştirakı da planlaşdırılır.

Türkiyənin daxili işlər naziri Ali Yerlikaya sosial media hesabından verdiyi rəsmi açıqlamada MLKP terror təşkilatına qarşı keçirilən genişmiqyaslı əməliyyatlar barədə məlumat paylaşıb. İstanbul Respublika Baş Prokurorluğu və İstanbul Polis İdarəsinin koordinasiyası ilə Terrorla Mübarizə və Kəşfiyyat şöbə müdirliyi tərəfindən həyata keçirilən tədbirlər çərçivəsində, silahlı terror təşkilatının mətbuat və gənclər qanadları vasitəsilə fəaliyyət göstərən şəxslər müəyyən edilərək hədəf alınıb.

Birinci Dünya müharibəsindən sonra imzalanan Mondros müqaviləsi Osmanlı hərbi-inzibati sistemini dağılma həddinə gətirdi; hərbi zavodların bağlanması və İstanbulun nəzarətin itirilməsi müdafiə istehsalını faktiki iflic etdi. Bu şəraitdə milli mübarizə yalnız cəbhədə döyüşlə deyil, arxa cəbhədə “nə ilə vuruşacağıq?” sualına cavab tapmaqla da bağlı idi. Silah-sursat, təmir, ehtiyat hissələri və mühəndislik bilikləri olmadan hərbi güc davamlı ola bilmirdi.

Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra daxili və xarici siyasətə dair geniş açıqlamalar verib. Prezident Rəcəb Tayyib Ərdoğan Türkiyənin bölgədə gərginliyi alovlandıran bütün qüvvələrin qarşısında qətiyyətlə dayanacağını bildirib. Onun sözlərinə görə, etnik mənsubiyyətindən, məzhəbindən və inancından asılı olmayaraq region xalqları bir-birinə qonşudur və bu coğrafiyada birlikdə yaşamağa davam edəcək:

Türkiyə Prezident Administrasiyasının Kommunikasiya İdarəsinin rəhbəri Burhaneddin Duran Prezident Rəcəb Tayyib Ərdoğanın 3 fevral 2026-cı ildə Səudiyyə Ərəbistanına, 4 fevral 2026-cı ildə isə Misirə rəsmi səfər edəcəyini açıqlayıb. Bildirilib ki, səfərlər müvafiq ölkə rəhbərlərinin dəvəti əsasında həyata keçiriləcək.

ABŞ mətbuatında yayılan xəbərlərə əsasən, ABŞ prezidenti Donald Trampın Yaxın Şərq üzrə xüsusi nümayəndəsi Stiv Uitkof İranın xarici işlər naziri Abbas Araqçi ilə cümə günü İstanbulda görüşəcək. Görüşün ABŞ–İran münasibətlərində son dövrdə artan diplomatik fəallıq fonunda baş tutacağı bildirilir.

İclas prezident Rəcəb Tayyib Ərdoğanın sədrliyi ilə prezident kompleksində – Beştəpədə keçirilib. İclasın əsas gündəm mövzusu xarici siyasət məsələləridir. Xüsusilə ABŞ ilə İran arasında artan gərginlik Nazirlər Kabinetində əsas müzakirə predmeti kimi ön plana çıxır. Məlumata görə, Ankara uzun müddətdir iki ölkə arasında mümkün qarşıdurmanın qarşısını almaq məqsədilə vasitəçilik səyləri göstərir. Bu çərçivədə prezident Ərdoğan daha əvvəl ABŞ prezidenti Donald Tramp və İran prezidenti Məsud Pezeşkian ilə telefon danışığı apararaq tərəfləri gərginliyi azaltmağa çağırıb.

Türkiyə Prezidenti Rəcəb Tayyib Ərdoğan sabah Səudiyyə Ərəbistanına rəsmi səfər edəcək. Səfər Ankara ilə Ər-Riyad arasında son illər güclənən siyasi, iqtisadi və təhlükəsizlik əməkdaşlığının daha da dərinləşdirilməsi baxımından mühüm əhəmiyyət daşıyır. Ərdoğan Səudiyyə Ərəbistanının paytaxtı Ər-Riyadda vəliəhd şahzadə və Baş nazir Məhəmməd bin Salman tərəfindən rəsmi mərasimlə qarşılanacaq.

Qazaxıstan Respublikasının Prezidenti Kasım-Jomart Tokayev 3-4 fevral tarixlərində Pakistana rəsmi səfər edəcək. Məlumata görə, səfər çərçivəsində Prezident Tokayev Pakistanın Baş naziri Şahbaz Şərif və ölkə Prezidenti Asif Ali Zərdari ilə yüksək səviyyəli danışıqlar aparacaq. Görüşlərdə iki ölkə arasında siyasi dialoqun genişləndirilməsi, ticarət-iqtisadi əlaqələrin gücləndirilməsi, eləcə də mədəni və humanitar əməkdaşlığın inkişaf perspektivləri müzakirə olunacaq.

İsrail və ABŞ mediası İrana qarşı mümkün hərbi müdaxilənin Türkiyənin fəal diplomatik vasitəçilik təşəbbüsləri nəticəsində təxirə salındığını yazır. Məlumata görə, Türkiyə ABŞ-ın İrana qarşı mümkün hücumlarının qarşısını almaq üçün diplomatik kanalları aktivləşdirib. Rəcəb Tayyib Ərdoğan əvvəlcə ABŞ Prezidenti Donald Tramp, daha sonra isə İran Prezidenti Məsud Pezeşkian ilə telefon danışığı aparıb. Bu intensiv təmaslardan sonra Türkiyənin də daxil olduğu üçtərəfli sammit ideyası gündəmə gəlib.

Türkiyə mediasında dərc olunan materiallarda Robert Kollecinin idarə heyəti üzvü kimi təqdim edilən Tomas C. Landonun 7 noyabr 2014-cü il tarixli məktubla Ceffri Epşteynə müraciət etdiyi iddia olunur. Yazılarda məktubun “Türkiyənin daha mühafizəkar istiqamətdə dəyişməsi” ilə bağlı qiymətləndirmələr ehtiva etdiyi, həmçinin fəaliyyətlərin maliyyələşdirilməsi üçün müxtəlif fondlar və varlı şəxslər barədə fikir mübadiləsinə yer verildiyi qeyd edilir.

Baykar 2025-ci ildə 2,2 milyard ABŞ dolları həcmində ixrac həyata keçirərək dünya üzrə PUA ixrac bazarının lideri olub. Məlumata görə, şirkət ötən il əldə etdiyi ümumi gəlirlərin 88 faizini məhz ixrac fəaliyyəti hesabına təmin edib. Bu göstərici Baykarı yalnız regional deyil, qlobal miqyasda pilotsuz uçuş aparatları istehsalı sahəsində aparıcı şirkətə çevirib.