BAKI,AzerVoice
Qırğızıstan Nazirlər Kabineti sədrinin birinci müavini Daniyar Amanqeldiev, işgüzar səfəri çərçivəsində Türkiyənin ticarət naziri Ömər Bolat ilə görüşüb.
AzerVoice xəbər verir ki, tərəflər 2024-cü ilin 5 noyabrında Türkiyə Prezidenti Rəcəb Tayyib Ərdoğanının Qırğızıstana rəsmi səfəri çərçivəsində əldə olunan razılaşmaların həyata keçirilməsi prosesini müzakirə etdilər.
Əsas məsələ ölkələr arasında ticarət dövriyyəsinin həcmini 5 milyard dollara çatdırmaq oldu. Bu böyük hədəfə çatmaq üçün konkret addımlar və tədbirlər müəyyənləşdirildi.
Görüş zamanı ticarət-iqtisadi və investisiya sahələrində əməkdaşlığın genişləndirilməsi məsələləri də müzakirə olundu. Ticarət-iqtisadi əməkdaşlıq üzrə hökumətlərarası Qırğız-Türk Komissiyasının növbəti iclasına hazırlığa xüsusi diqqət yetirildi.
Tərəflər ikitərəfli əlaqələri daha da inkişaf etdirməyə, qarşılıqlı investisiyaları təşviq etməyə və ticarət əlaqələrini dərinləşdirməyə maraqlı olduqlarını bildirdilər.