Rəcəb Tayyib Ərdoğan bölgədə “birlik və qardaşlığın” gücləndirilməsinin vacibliyini vurğulayıb. Ərdoğan qeyd edib ki, Türkiyə regionda kürdlər, ərəblər, türkmənlər və farslar arasında fərq qoymadan sülh mesajlarını davamlı şəkildə çatdırır. Türkiyə lideri əlavə edib ki, Ankara ortaq tarix və gələcək prinsiplərinə əsaslanan yeni təhlükəsizlik modelinin formalaşdırılmasına çalışır və regionda manipulyasiya cəhdlərinə qarşı çıxmağın vacibliyin

Ankarada TÜRKSOY, Azərbaycanın Ankaradakı səfirliyi və Azərbaycan Mədəniyyət Mərkəzinin birgə təşkilatçılığı ilə Sabir Rüstəmxanlının anadan olmasının 80 illiyinə həsr olunmuş tədbir keçirilib. Məlumata görə, tədbirdə Türkiyə və Azərbaycan rəsmiləri, parlament nümayəndələri, səfirlər, ictimai xadimlər və ziyalılar iştirak ediblər. Çıxışlarda Sabir Rüstəmxanlının Azərbaycan ədəbiyyatına və ictimai-siyasi düşüncəyə verdiyi töhfələr xüsusi vurğulanıb.

İspaniyanın aerokosmik şirkəti Airtificial ilə Türk Aviasiya və Kosmos Sənayesi arasında “Hürjet” təlim təyyarəsi üçün uçuş idarəetmə sistemlərinin istehsalına dair 16 milyon avrodan artıq dəyərdə müqavilə imzalanıb. Çatdırılmaların növbəti beş il ərzində mərhələli şəkildə həyata keçirilməsi planlaşdırılır. Şirkət daha əvvəl də bu proqram çərçivəsində məhdud həcmli layihələrdə iştirak etdiyini və yeni müqavilə ilə ilk tədarüklərə başladığını bildirib.

Yardım karvanının Ağrı vilayətinin Doğubayazıt rayonunda yerləşən Gürbulak sərhəd-keçid məntəqəsi vasitəsilə İrana çatdırılması planlaşdırılır. Van Səhiyyə İdarəsinin rəhbəri Məhəmməd Tosun bildirib ki, bu təşəbbüs müxtəlif bölgələrdən toplanan tibbi vasitələrin koordinasiyalı şəkildə çatdırılmasını təmin etmək məqsədi daşıyır. Onun sözlərinə görə, daha əvvəl də 3 yük maşını ilə yardım göndərilib və son göndərişlə birlikdə ümumi yardım sayı 9 maşına çatır.

Türkiyə Prezidenti Rəcəb Tayyib Ərdoğan NATO rəhbərliyi ilə yüksək səviyyəli görüş keçirib. Məlumata görə, görüşdə Türkiyənin xarici işlər naziri Hakan Fidan, milli müdafiə naziri Yaşar Güler və Prezidentin xarici siyasət və təhlükəsizlik məsələləri üzrə baş müşaviri Akif Çağatay Kılıç da iştirak ediblər.

Türkiyənin xarici işlər naziri Hakan Fidan 23-24 aprel tarixlərində Birləşmiş Krallıqa səfər edəcək. Səfər çərçivəsində onun İngiltərənin xarici işlər və inkişaf naziri Yvette Cooper, parlament üzvləri və digər rəsmi şəxslərlə görüşləri planlaşdırılır.

NATO Baş katibi Mark Rutte Ankaraya səfəri çərçivəsində Türkiyənin aparıcı müdafiə sənayesi şirkətlərindən biri olan ASELSAN-ı ziyarət edib. Məlumata görə, Rutte ASELSAN-da Haluk Görgün və Ahmet Akyol tərəfindən qarşılanıb. NATO rəhbəri çıxışı zamanı bildirib ki, müasir dövrdə yalnız müdafiə xərclərinin artırılması kifayət etmir, əsas məsələ istehsal gücünün genişləndirilməsidir.

Qazaxıstan və Türkiyə arasında nəqliyyat-logistika əməkdaşlığının dərinləşdirilməsi gündəmdədir. Qazaxıstanın Baş naziri Oljas Bektənov iki ölkə arasında dəmir yolu daşımalarının rəqabət qabiliyyətinin artırılması üçün vahid tariflərin formalaşdırılmasının vacibliyini bildirib.

Ankara Böyükşəhər Bələdiyyəsinin sədri Mansur Yavaşla bağlı yeni hüquqi proses başlayır. Yavaşın seçki mitinqləri zamanı bələdiyyə resurslarından istifadə etdiyi iddiaları ilə bağlı istintaq aparılmasına icazə verilib. Məlumata əsasən, araşdırma seçki kampaniyası dövründə dövlət və bələdiyyə imkanlarının qanunsuz istifadəsi ilə bağlı iddiaları əhatə edir.

Türkiyə Prezidenti Rəcəb Tayyib Ərdoğan iranlı həmkarı Məsud Pezeşkian ilə telefon danışığı aparıb. Türkiyə Prezident Administrasiyasının yaydığı rəsmi məlumata görə, Ərdoğan regionda sabitliyin təmin olunması üçün diplomatik fürsətlərin vacibliyini vurğulayıb. Prezident Ərdoğan danışıq zamanı qeyd edib ki, hazırda davam edən sülh danışıqlarından regionda daimi sülh və sabitliyə nail olmaq üçün maksimum dərəcədə istifadə edilməlidir.

Türkiyənin ABŞ və İsrailin İrana qarşı başlatdığı hərbi əməliyyatların regional müharibəyə çevrilməsinin qarşısını almaq üçün göstərdiyi diplomatik səylər fonunda, Vaşinqtondakı bəzi qrupların Ankara əleyhinə fəaliyyətləri kəskinləşib. Sözügedən hesabatda Türkiyənin NATO-dakı müttəfiqlik prioritetlərindən uzaqlaşdığı və bəzi dini strukturlardan siyasi məqsədlər üçün istifadə etdiyi iddia olunur. Lakin FDD-nin bu həmləsinə ABŞ-ın nüfuzlu siyasi dairələrindən sərt reaksiya gəlib. Donald Trampın birinci prezidentliyi dövründə Almaniyadakı səfiri və Milli Kəşfiyyat Direktorunun vəzifəsini icra edən Riçard Qrenell sosial media hesabından FDD-yə etiraz bildirib. Qrenell vurğulayıb ki, Türkiyə 1952-ci ildən NATO üzvüdür və "Türkiyə ittifaqdan ayrılarsa, NATO-nun mövcudluğu sona çatar".

Türkiyənin xarici işlər naziri Hakan Fidan Fələstin Dövlətinin vitse-prezidenti Hüseyn Şeyx ilə paytaxt Ankarada bir araya gəlib. Görüşdə regional vəziyyət, Fələstin məsələsi və ikitərəfli münasibətlərin inkişafı ilə bağlı məsələlərin müzakirə olunduğu ehtimal edilir.