BAKI,VOA, Fərid Mikayılov
Azərbaycan ədəbiyyatının görkəmli nümayəndəsinin yubileyi Türkiyədə qeyd edilib.
VOA xəbər verir ki, Ankarada TÜRKSOY, Azərbaycanın Ankaradakı səfirliyi və Azərbaycan Mədəniyyət Mərkəzinin birgə təşkilatçılığı ilə Sabir Rüstəmxanlının anadan olmasının 80 illiyinə həsr olunmuş tədbir keçirilib.
Məlumata görə, tədbirdə Türkiyə və Azərbaycan rəsmiləri, parlament nümayəndələri, səfirlər, ictimai xadimlər və ziyalılar iştirak ediblər. Çıxışlarda Sabir Rüstəmxanlının Azərbaycan ədəbiyyatına və ictimai-siyasi düşüncəyə verdiyi töhfələr xüsusi vurğulanıb.
Bildirilib ki, şair yalnız ədəbi yaradıcılığı ilə deyil, həm də Azərbaycanın müstəqilliyi uğrunda mübarizədə göstərdiyi fəaliyyətlə seçilib.
Tədbirdə çıxış edən Sabir Rüstəmxanlı türk dövlətlərinin birliyinin vacibliyini vurğulayaraq bildirib ki, bu birlik təmin olunmadığı təqdirdə region üçün risklər yarana bilər.
Qeyd edək ki, yubiley tədbiri rəsmi çıxışlardan sonra panel müzakirələrlə davam edib.