OPEC+ ölkələri daha əvvəl elan etdikləri könüllü hasilat məhdudiyyətlərini pozaraq kvotaları aşdıqları üçün 2026-cı ilin iyul ayına qədər gündəlik 4,779 milyon barel artıq hasilatı kompensasiya etməlidirlər. Yenilənmiş qrafikə əsasən, ümumi öhdəliyin ən böyük hissəsi Qazaxıstanın payına düşür. Ölkə gündə 2,63 milyon barel həcmində hasilatı kompensasiya etməlidir. Bu azalma 2026-cı ilin iyun ayınadək mərhələlərlə həyata keçiriləcək. Əsas yüklənmə isə həmin ilin birinci yarısına təsadüf edir: yanvarda gündə 100 min barel, fevralda 300 min barel, martda 450 min barel, apreldə 490 min barel, mayda 550 min barel, iyunda isə 650 min barel azalma planlaşdırılır. Bu ilin sonunadək isə ölkə hər ay gündə 10–35 min barel arasında hasilatı azaltmalıdır.

OPEK+ çərçivəsində neft hasilatını könüllü şəkildə azaldan səkkiz ölkənin görüşü başlayıb. İştirakçılar oktyabr ayı üçün hasilat planı barədə razılıq əldə etməlidirlər. Səudiyyə Ərəbistanı bazardakı payını bərpa etmək üçün OPEK+ ölkələrinin neft hasilatını daha sürətli artırmasını təşviq edir. Səkkiz ölkə hazırda 2026-cı ilin sonunadək qüvvədə olan gündəlik 1,65 milyon barellik hasilat məhdudiyyətinin taleyini müzakirə edəcək.

İran Xarici İşlər Nazirliyi, Fars (Ərəb) körfəzində yerləşən Əbu Musa, Böyük Tonb və Kiçik Tonb adaları ilə bağlı Körfəz Əməkdaşlıq Şurası (KƏŞ) üzv ölkələrinin xarici işlər nazirlərinin birgə bəyanatına sərt reaksiya verib. bəyanatda qeyd olunub ki, “İranın bu üç ada ilə bağlı atdığı hər hansı qərar və ya addım Birləşmiş Ərəb Əmirliklərinin (BƏƏ) suverenliyini təsdiqləyən tarixi və hüquqi faktların yerini tuta bilməz”. Tehran isə bu iddiaları “köhnəlmiş və hüquqi əsası olmayan” adlandırıb.

Azərbaycan və Birləşmiş Ərəb Əmirlikləri (BƏƏ) arasında enerji sahəsində tərəfdaşlıq və qarşılıqlı investisiyalar barədə müzakirələr aparılıb. "Birləşmiş Ərəb Əmirliklərinin sənaye və qabaqcıl texnologiyalar naziri Sultan Əhməd Əl-Cabir ilə videokonfrans formatında görüşdük. Həyata keçirilən birgə layihələr, enerji sahəsində tərəfdaşlıq, qarşılıqlı investisiyalar və əməkdaşlığın inkişaf perspektivləri haqqında müzakirələr apardıq", - deyə paylaşımda qeyd edilib.

Türkiyənin texnologiya şirkəti HAVELSAN, Birləşmiş Ərəb Əmirliklərinin müdafiə sənayesi şirkəti CALIDUS tərəfindən hazırlanan B-250 yüngül hücum və təlim təyyarəsi üçün yeni əməkdaşlığa imza atıb. Bu əməkdaşlıq çərçivəsində Türkiyənin müdafiə sənayesində aparıcı şirkəti pilotların kokpitə oturmadan əvvəl bütün əməliyyat proseslərində yüksək səviyyədə ixtisaslaşmasını təmin edəcək. Bunun üçün CALIDUS ilə birlikdə B-250 təyyarəsi üçün hərtərəfli təlim ekosistemi qurulacaq. Hazırlanacaq yüksək dəqiqlikli simulyator infrastrukturu real əməliyyatların mürəkkəbliyini əks etdirəcək və pilotların yerüstü hazırlığını ən yüksək səviyyədə təmin edəcək.

Birləşmiş Ərəb Əmirlikləri klubu Əl Vahda, 2024–25 mövsümünün sonunda Fənərbaxça ilə yollarını ayıran 36 yaşlı Dusan Tadiç-i heyətinə qatıb. Birləşmiş Ərəb Əmirlikləri təmsilçisi Əl Vahda, yeni mövsüm öncəsi Fənərbaxça ilə yollarını ayıran 36 yaşlı serbiyalı futbolçu Dusan Tadiçin transfer olunduğunu açıqlayıb. Futbola vətəninin Voyvodina komandasında başlayan serbiyalı oyunçu, 2010-cu ildə Qroningen klubuna transfer olub. Hollandiya klubunda 2 mövsümdə 76 oyuna çıxaraq 14 qol vuran Tadiç, 2012-ci ilin yayında Tventeyə keçib. Burada oynadığı 85 oyunda 32 qol və 30 assistlə diqqət çəkən təcrübəli futbolçu, 2014–15 mövsümü öncəsi 14 milyon avroya Premyer Liqanın yolunu tutub.

Birləşmiş Ərəb Əmirliklərində (BƏƏ) bu yay rekord həddə yaxın temperatur artımı müşahidə olunub. Məlumata görə, ölkə tarixində ən isti baharın qeydə alınmasından sonra avqustun əvvəlində temperatur kəskin yüksəlib.

Birləşmiş Ərəb Əmirlikləri (BƏƏ) və İordaniya, bəzi Avropa ölkələrinin dəstəyi ilə İsrailin tətbiq etdiyi blokada səbəbilə aclıqla mübarizə aparan Qəzza zolağına havadan humanitar yardım çatdırıb. BƏƏ Xarici İşlər Nazirliyinin yaydığı yazılı məlumata görə, BƏƏ və İordaniyanın təşəbbüsü ilə Fransa, Almaniya, İtaliya və İspaniyadan olan 7 təyyarə Qəzzaya havadan yardım yükü endirib.

Yəmənin paytaxtı Sənada husilərin nəzarətində olan hərbi məhkəmə, ölkənin keçmiş prezidenti Əli Abdullah Salehin oğlu Əhməd Əli Saleh barəsində qiyabi olaraq edam hökmü çıxarıb və onun bütün əmlak və sərvətinin müsadirə olunmasına qərar verib.

Çin 2025-ci ilin iyun ayında son üç il ərzində ilk dəfə olaraq ABŞ-dan xam neft idxalını sıfıra endirib.

Ukrayna Prezidenti Zelenskinin fərmanı ilə Rusiya, Çin, İran və BƏƏ şirkətlərinə qarşı sanksiyalar tətbiq edilib. Sanksiyalar Aİ ilə uyğunlaşdırılıb və kölgə donanması, nadir metallar, kriptovalyuta əməliyyatları kimi sahələri əhatə edir.

İordaniya və Birləşmiş Ərəb Əmirliklərinə (BƏƏ) məxsus yük təyyarələri Qəzza zolağına 25 ton humanitar yardım göndəriblər.