BAKI, AzerVoice
İordaniya və Birləşmiş Ərəb Əmirliklərinə (BƏƏ) məxsus yük təyyarələri Qəzza zolağına 25 ton humanitar yardım göndəriblər.
AzerVoice xəbər verir ki, əməliyyatda iki İordaniya təyyarəsi və bir BƏƏ təyyarəsi iştirak edib.
Xatırladaq ki, ötən gün BƏƏ-nin xarici işlər naziri Abdullah bin Zayed bildirib ki, BƏƏ Qəzzaya havadan humanitar yardım göndərilməsini bərpa edir, çünki bölgədəki humanitar problemlər kritik həddə çatıb.
Qeyd edək ki, İsrail ordusu Qəzzaya humanitar yardımların havadan çatdırılmasının bərpa olunduğunu və BMT karvanlarının ərzaq və dərman daşımaları üçün təhlükəsiz keçid dəhlizlərinin yaradıldığını açıqlayıb.