BAKI,VOA, Fərid Mikayılov
Türkiyə milli futbol komandasının 2026-cı il dünya çempionatında pley-off mərhələsinə yüksəlmək şansı rəsmən itirilib.
VOA xəbər verir ki, Türkiyə yığması qrup mərhələsinin ilk iki oyunundan sonra xal qazana bilməyib.
Türkiyə millisi ilk turda Avstraliyaya 0:2 hesabı ilə məğlub olub. Komanda ikinci qarşılaşmada isə Paraqvaya qarşı oyunun böyük hissəsini say üstünlüyündə keçirməsinə baxmayaraq, 0:1 hesabı ilə uduzub.
Beləliklə, D qrupunda son turda qələbə qazansa belə, Türkiyə əlavə göstəricilərə görə rəqiblərini geridə qoya bilməyəcək. Xal bərabərliyi yaranacağı halda, komanda şəxsi görüşlərin nəticəsinə əsasən həm Avstraliya, həm də Paraqvaydan geri qalacaq.
Qeyd edək ki, Türkiyə millisi DÇ-2026-da qrup mərhələsini keçə bilməyən Haitidən sonra ikinci komanda olub.