BAKI,VOA, Fərid Mikayılov

UFC prezidenti Dana Uayt bildirib ki, Ağ Evdə keçiriləcək UFC turnirində qadın döyüşçülər iştirak etməyəcək.

VOA xəbər verir ki, Uayt açıqlayıb ki, ilkin planlarda UFC Freedom 250 turnirində qadın döyüşçülərin də çıxışı nəzərdə tutulmuşdu, lakin bu, bir sıra səbəblərə görə mümkün olmayıb.

O əlavə edib ki, turnirdə iştirak edəcək döyüşçülərin stres və qeyri-adi vəziyyətlərlə başa çıxmaq qabiliyyətinə malik olması vacibdir. Məsələn, döyüş gecəsi gec saatlarda gəldikdə, onlar ciddi təhlükəsizlik tədbirlərindən keçməli olacaqlar.

Tədbir həm ABŞ-ın Müstəqillik Bəyannaməsinin 250 illiyinə, həm də Prezident Trampın 80 illiyinə həsr olunub. UFC rəhbərliyi turnir üçün tam arenanı çəmənliyə quraşdırıb; arena təxminən 5 min tamaşaçı tutumu ilə planlaşdırılıb.

Gecənin əsas döyüşü yüngül çəki dərəcəsində çempion İliya Topuriya ilə müvəqqəti titul sahibi Castin Qeytji arasında olacaq. Əsas döyüşdən öncə ağır çəki dərəcəsində Fransız döyüşçü Siril Qan və keçmiş orta və yarı ağır çəki çempionu, braziliyalı nokautçu Aleks Pereyra arasında müvəqqəti titul uğrunda döyüş keçiriləcək.