BAKI,VOA, Fərid Mikayılov

4 ildən bir keçirilən dünya çempionatının tarixinə nəzər saldıqda, ən çox kart alan oyunçu argentinalı Havyer Maskerano olub.

VOA xəbər verir ki, Maskerano iştirak etdiyi 4 dünya çempionatında 20 oyun ərzində 7 sarı kart alıb.

Argentinalı futbolçu kubok boyunca heç bir qırmızı kartla cəzalandırılmayıb. 2006, 2010 və 2018-ci illərdə hər birində iki, 2014-cü ildə isə bir sarı kart alaraq rekord göstəriciyə imza atıb.

Maskeranodan sonra fransalı Zinedin Zidan, meksikalı Rafael Markes və braziliyalı Kafu 6 kartla bu siyahını davam etdirir. Zidan 12 oyunda 4 sarı və 2 qırmızı kart, Markes 19 oyunda 5 sarı və 1 qırmızı, Kafu isə 20 oyunda 6 sarı kart alıb. Kamerunlu Rigobert Song, argentinalı Diego Armando Maradona və avstraliyalı Tim Kahil isə 5 kartla bu oyunçuların ardınca gəlir.

Dünya çempionatının tarixi ərzində ən tez qırmızı kart alan oyunçu urugvaylı Sergio Batista olub. O, 1986-cı ildə Meksikada keçirilən çempionatın Şotlandiya ilə oyununda yalnız 56-cı saniyədə qırmızı kart alıb.

Ən birinci qırmızı kart alan qapıçı isə 1994-cü ildə İtaliyadan Žanluka Palyuqa olub. O, Norveç ilə oyunda 21-ci dəqiqədə qırmızı kart alaraq oyundan çıxarılıb. İtaliya millisinin qapısı bu vaxt 10 nəfərliklə qalsa da, Dino Badžonun 69-cu dəqiqədə vurduğu qolla 1-0 hesabı ilə qələbə qazanıb.