BAKI,VOA, Fərid Mikayılov
UEFA Barselona ilə Atletiko Madrid arasında keçiriləcək oyuna rumıniyalı hakim Ștefan Kovacs təyin olunub
VOA xəbər verir ki, qarşılaşma Barselonanın stadionu Kamp Nouda baş tutacaq.
Məlumata görə, 41 yaşlı hakim Avropanın ən təcrübəli referilərindən biri hesab olunur və UEFA Çempionlar Liqası daxil olmaqla əsas klub turnirlərinin finallarını idarə edib.
Bununla belə, statistik göstəricilər diqqət çəkir. Həm Barselona, həm də Atletiko Madrid Kovacsın idarə etdiyi oyunlarda qələbə qazana bilməyib. Bu fakt qarşıdakı oyuna əlavə psixoloji yük kimi qiymətləndirilir.
Ekspertlər hesab edir ki, hakim faktoru qarşılaşmanın gedişinə təsir edə bilər və bu səbəbdən oyun öncəsi diqqət yalnız komandaların oyun formasına deyil, həm də statistik göstəricilərə yönəlib.