BAKI,VOA, Fərid Mikayılov

Birləşmiş Ərəb Əmirlikləri (BƏƏ) Əlcəzairin paytaxtı Əlcəzair şəhərinin şərqində yerləşən uşaq evində baş vermiş yanğın nəticəsində həlak olanlar və xəsarət alanlarla bağlı həmrəylik nümayiş etdirərək rəsmi başsağlığı verib.

VOA xəbər verir ki, BƏƏ Xarici İşlər Nazirliyinin yaydığı bəyanatda Əlcəzair Xalq Demokratik Respublikasına, həlak olanların ailələrinə və ölkə xalqına dərin hüznlə başsağlığı ifadə olunub.

Bəyanatda faciə nəticəsində həyatını itirənlərin yaxınlarına səbir dilənib, xəsarət alanların isə tezliklə sağalması arzulanıb.

Rəsmi açıqlamada BƏƏ-nin bu ağır günlərdə Əlcəzair xalqı ilə həmrəy olduğu vurğulanaraq, baş vermiş faciədən dərin kədər hissi keçirildiyi bildirilib.

Hadisə paytaxt Əlcəzairin şərqində yerləşən uşaq evində baş verib. Yanğın nəticəsində ölən və yaralananların olduğu qeyd edilsə də, rəsmi bəyanatda onların dəqiq sayı açıqlanmayıb.

BƏƏ son illərdə müxtəlif ölkələrdə baş verən təbii fəlakətlər və humanitar faciələrlə bağlı ardıcıl şəkildə həmrəylik və başsağlığı mesajları yayımlayır.