BAKI,AzerVoice, Fərid Mikayılov
İspaniya La Liqasının 6-cı turunda Barselona səfərdə Valensiyaya qarşı 6:0 hesablı qələbə qazanıb.
AzerVoice xəbər verir ki, matçda baş məşqçi Hansi Flik intizam siyasətini bir daha nümayiş etdirərək braziliyalı ulduz Rafinyanı start heyətindən kənarda saxlayıb, onun yerinə isə 19 yaşlı isveçli vinger Runi Bardghjiyə şans verib.
Barselonanın heyətində ilk dəfə rəsmi oyuna çıxan Bardghji inamlı performans sərgiləyib. İkinci hissədə əvəzlənən gənc futbolçu qapını yoxlamaqla yadda qalıb. Onun yerinə meydana daxil olan Rafinyanın isə iki qola imza atması diqqət çəkib.
Baş məşqçi Hansi Flik intizam məsələsində sərtliyi ilə tanınır. O, əvvəllər Jui Kunde və İnyaki Penanı da oxşar səbəbdən cəzalandırmışdı. Bu dəfə isə Rafinya məşqə gecikdiyi üçün start heyətindən kənarda qalıb.
Bununla belə, braziliyalı ulduzun Çempionlar Liqasının açılış matçında Nyukasla qarşı səfər oyununda start heyətinə dönəcəyi gözlənilir