BAKI,AzerVoice, Fərid Mikayılov
İngiltərə Premyer Liqa təmsilçisi Tottenhem gözlənilməz transfer addımı ataraq PSJ-nin hücumçusu Randal Kolo Muanini icarəyə götürmək üçün razılıq əldə edib.
AzerVoice xəbər verir ki, müqavilədə fransalı futbolçunun mövsüm sonunda satın alınması üçün opsion da nəzərdə tutulub.
Luis Enrikenin planlarında yer almayan Kolo Muani daha çox oyun praktikasına görə PSJ-dən ayrılmaq istəyirdi. Fransalı hücumçu ötən mövsümün ikinci yarısını Yuventusda icarə əsasında keçirib və 22 oyunda 10 qol vurub. Lakin Turin klubu 50 milyon avroluq satınalma opsionu ilə yeni icarə üçün PSJ-ni razı sala bilməyib.
Kolo Muaninin Tottenhemə qoşulması ilə komandanın hücum xətti daha da güclənəcək. Baş məşqçi Tomas Frank artıq Məhəmməd Kudus və Xavi Simons kimi yeni transferlərə, eləcə də Rişarlison və Dominik Solankeyə arxalana biləcək.