BAKI, AzerVoice, Fərid Mikayılov
UEFA Konfrans Liqasının pley-off mərhələsində İsveçrə təmsilçisi Luzanneyə 1:0 hesabı ilə məğlub olaraq Avropa arenasına vida edən Beşiktaş, qısa müddət içində məşqçi dəyişikliyinə gedib.
AzerVoice xəbər verir ki, klub rəhbərliyi Ole Gunnar Solskjaer ilə yollarını ayıraraq komandanın başına Sərgən Yalçını gətirib.
Klubdan verilən məlumata görə, Sərgən Yalçın bu gün keçiriləcək məşqdə artıq komandanın sükanı arxasında olacaq.
Xatırladaq ki, Sərgən Yalçın 29 yanvar 2020-ci ildə Beşiktaş-ın baş məşqçisi təyin olunmuşdu. Onun rəhbərliyi altında komanda 2020-2021 mövsümündə həm Türkiyə Superliqasının, həm də Türkiyə Kubokunun qalibi olmuşdu.
Yalçının yenidən komandaya dönüşü həm rəhbərlik, həm də azarkeşlər tərəfindən böyük ümidlərlə qarşılanır.