BAKI, AzerVoice , Fərid Mikayılov
Beşiktaş klubunun gənc hücumçusu Semih Kılıçsoy İtaliya A Seriyasının Kalyari klubu ilə transfer danışıqları aparmaq məqsədilə bu ölkəyə səfər edib.
AzerVoice xəbər verir ki, 19 yaşlı futbolçu İstanbul Hava Limanından qalxan təyyarə ilə İtaliyaya yola düşüb.
Məlumata görə, Kılıçsoy yaxın günlərdə Kalyari klubunun rəhbərliyi ilə görüş keçirəcək və tərəflər arasında mümkün transferin şərtləri müzakirə olunacaq.
Beşiktaş akademiyasının yetirməsi olan Semih Kılıçsoy, indiyədək klubun əsas komandası ilə 87 rəsmi oyunda meydana çıxıb və 16 qola imza atıb.
Transfer danışıqlarının nəticələri yaxın günlərdə açıqlanacaq.