BAKI,VOA Orxan Qədirzadə

John Brower Minnock, tarixin qeydə aldığı ən ağır insan hesab olunur. 1941-ci ildə anadan olan Minnock, uşaqlığından etibarən piylənmə problemi ilə üzləşib və həyatının pik dövründə çəkisi 635 kiloqramı ötüb. Minnock və 50 kiloqramlıq həyat yoldaşı ABŞ-ın Vaşinqton ştatında taksi şirkəti idarə edirdilər.

Çəki atmaq qərarına gələn Minnock gündə yalnız 600 kalori qəbul etdiyi sərt diyeta başlayıb. Bu səbəbdən 3 həftə boyunca yataqda qalan Minnock, 15 yanğınsöndürən tərəfindən xəstəxanaya çatdırılıb. Həkimlər onun bədənində böyük ödəm aşkar etdikdən sonra 1200 kalorilik daha nizamlı bir diyeta tətbiq ediblər.

Xəstəxanada keçirdiyi iki il ərzində Minnock 408 kiloqram arıqlayaraq bir nəfərin birdəfəlik verdiyi ən yüksək kilo rekordu qırıb. Bu müddət ərzində o, ilk həyat yoldaşından boşanıb, ikinci həyat yoldaşı ilə evlənib və iki övlad sahibi olub. Təəssüf ki, xəstəxanadan çıxdıqdan sonra itirdiyi kiloların böyük hissəsini geri alıb və 1983-cü ildə çəkisi 363 kiloqram olarkən infarkt nəticəsində dünyasını dəyişib.

Mütəxəssislər vurğulayırlar ki, piylənmə yalnız çox yemək demək deyil. Bu, həm fizyoloji, həm də psixi aspektləri olan mürəkkəb bir xəstəlikdir və müalicəsi də bu xüsusiyyətlər nəzərə alınaraq aparılmalıdır.