BAKI, AzerVoice
İspaniyanın futbol klubu Barselona İngiltərənin Mançester Yunayted komandasının hücumçusu Markus Reşfordu bir mövsümlük icarəyə transfer etdiyini rəsmən açıqlayıb.
AzerVoice xəbər verir ki, klubun mətbuat xidmətinin yaydığı məlumata görə, müqavilədə oyunçunun birdəfəlik transferini nəzərdə tutan satınalma şərti də yer alır.
Reşford bu transferlə Barselonada çıxış edən ilk ingilis futbolçu statusunu qazanıb. Sonuncu dəfə 1986–1989-cu illərdə Gari Lineker katalon klubunun formasını geyinmişdi.
26 yaşlı hücumçu Mançester Yunayted akademiyasının yetirməsidir. O, ötən mövsüm Aston Villa klubunda icarə əsasında çıxış edib.
Reşford indiyədək Mançester Yunaytedin heyətində iki dəfə İngiltərə Kubokunu və İngiltərə Liga Kubokunu, bir dəfə isə UEFA Avropa Liqasını və İngiltərə Superkubokunu qazanıb.
Futbolçu həmçinin İngiltərə milli komandasının heyətində 62 oyuna çıxaraq bir sıra beynəlxalq turnirlərdə iştirak edib.