BAKI,VOA, Fərid Mikayılov
İngiltərənin "Fulhem" klubu Alvaro Arbeloanı komandanın baş məşqçisi təyin etdiyini rəsmən açıqlayıb.
VOA xəbər verir ki, 43 yaşlı ispaniyalı mütəxəssislə 2029-cu ilin yayına qədər qüvvədə olacaq üçillik müqavilə imzalanıb.
Klubun açıqlamasında qeyd olunub ki, zəngin futbolçu karyerasını başa vurduqdan sonra Arbeloa məşqçilik fəaliyyətinə dünyanın aparıcı klublarından biri olan "Real Madrid"in aşağı yaş qruplarında başlayıb. O, ötən mövsüm isə Madrid təmsilçisinin əsas komandasının məşqçilər korpusunda fəaliyyət göstərib.
Qeyd edək ki, "Fulhem" 2025/2026 mövsümündə İngiltərə Premyer Liqasında keçirdiyi 38 oyunda 54 xal toplayaraq turnir cədvəlini 11-ci pillədə başa vurub.