BAKI,AzerVoice
Beynəlxalq Futbol Federasiyasının (FIFA) prezidenti Canni İnfantino, Rusiyanın Avropa yarışmalarına qayıtmasını istədiyini bildirib.
AzerVoice xəbər verir ki, o, futbolun insanların birləşməsinə və ölkələri bir araya gətirməsinə xidmət etməli olduğunu vurğulayıb.
İnfantino, UEFA-nın Belqraddakı konqresində çıxış edərək, Rusiyanın yaxın gələcəkdə futbol dünyasına geri qayıtmasının mümkün ola biləcəyini bildirib.
"Futbol birləşdirmək üçündür, ayrılıq üçün deyil. Biz futbolun bütün dünyada insanlar arasında bir əlaqə yaratmasına çalışmalıyıq" - deyə İnfantino əlavə edib.
Qeyd edək ki, Rusiya milli komandası və klubları 2022-ci ilin martından etibarən beynəlxalq turnirlərdən kənarlaşdırılıb. Bu addım, Ukraynada baş verən müharibə ilə əlaqədar olaraq atılıb. Hazırda Rusiya çempionatında Qazaxıstan millisinə aid iki futbolçu - "Zenit"-in müdafiəçisi Nuralı Alip və "Axmat"-ın hücumçusu Maksim Samorodov iştirak edirlər.