İsrailin Baş naziri Benyamin Netanyahu ABŞ Prezidenti Donald Trampla telefon danışığı aparıb. Tərəflər söhbət zamanı ABŞ-ın Körfəz bölgəsindəki fəaliyyəti, regional təhlükəsizlik məsələləri və Türkiyə Prezidenti Rəcəb Tayyib Ərdoğanın İsraillə bağlı açıqlamalarını müzakirə ediblər. İsrail Baş nazirinin Ofisinin yaydığı məlumata görə, telefon danışığı iki ölkə arasında müntəzəm təmaslar çərçivəsində baş tutub və tərəflər müxtəlif sahələrdə koordinasiyanın davam etdirilməsinin vacibliyini bir daha vurğulayıblar.

NATO-nun müdafiə imkanlarını gücləndirmək planları yalnız müdafiə xərclərinin artırılması ilə məhdudlaşmır. Alyans ölkələri həm müdafiə sənayesinin istehsal gücü, həm də yüksək dəqiqlikli Amerika silahlarının tədarükü ilə bağlı ciddi çətinliklərlə üzləşirlər. Son illərdə Ukraynadakı müharibə, ABŞ Prezidenti Donald Trampın Qrenlandiya ilə bağlı açıqlamaları, eləcə də Yaxın Şərqdə, xüsusilə İran ətrafında artan gərginlik NATO-nun təhlükəsizlik gündəmini dəyişdirib. Alyans artıq yalnız sursat çatışmazlığı deyil, həm də müdafiə xərclərinin artırılması, hərbi sənayenin inkişafı və təchizat zəncirlərinin dayanıqlığını əsas prioritetlər sırasında qiymətləndirir.

Yeni araşdırma göstərir ki, Lionel Messi ilə Cristiano Ronaldo arasında illərdir davam edən futbol mübahisəsi artıq təkcə idman mövzusu deyil. Tədqiqat qısa video platformalarının auditoriyanın zövqünü, seçimlərini və hətta dünyagörüşünü necə formalaşdırdığını ortaya qoyur.

ABŞ Prezidenti Donald Trampın NATO sammitində çıxışı müttəfiq ölkələr arasında yenidən qarışıq reaksiyalara səbəb olub. Sammit öncəsi NATO liderləri Trampın alyansa qarşı sərt mövqe nümayiş etdirib-etdirməyəcəyini gözləyirdilər. Nəticədə ABŞ lideri həm NATO-nu tənqid edən əvvəlki ritorikasını davam etdirib, həm də müttəfiqlərini müdafiə xərclərini artırdıqlarına görə yüksək qiymətləndirib. Tramp qapalı keçirilən NATO liderləri görüşünü müsbət atmosferdə təsvir edib və toplantıda “sevgi” olduğunu bildirib. Diplomatlar hesab edirlər ki, ABŞ prezidentinin dəyişkən mövqeyi NATO daxilində əlavə diplomatik səylər tələb edir və transatlantik ittifaqın gələcək sabitliyi üçün liderlər arasında balanslı münasibətlərin qorunması vacibdir.

Qətər Milli Kiber Təhlükəsizlik Agentliyinin təqdim etdiyi “Milli Kibertəhlükəsizlik Təlim Proqramı” Ümumdünya İnformasiya Cəmiyyəti Sammitinin 2026-cı il mükafatına layiq görülüb. Ölkə informasiya-kommunikasiya texnologiyalarından istifadədə təhlükəsizlik və etimadın gücləndirilməsi istiqamətində həyata keçirdiyi layihə ilə beynəlxalq səviyyədə tanınıb. Mükafat Cenevrədə keçirilən mərasimdə təqdim olunub. Qətər bu uğuru ardıcıl ikinci dəfə əldə edib. Layihə rəqəmsal təhlükəsizliyin inkişafına və kibertəhlükələrə qarşı mübarizəyə verdiyi töhfəyə görə yüksək qiymətləndirilib.

İranın xarici işlər naziri Abbas Əraqçi Türkiyənin xarici işlər naziri Hakan Fidanla telefon danışığı aparıb. Söhbət zamanı ABŞ ilə İran arasında mövcud atəşkəs vəziyyəti və Yaxın Şərqdəki son gərginlik müzakirə olunub. Türkiyə tərəfi regionda sabitliyin qorunması və diplomatik yolların açıq saxlanılmasının vacibliyini qeyd edir. Ankara ABŞ-İran qarşıdurmasının daha geniş regional böhrana çevrilməməsi üçün tərəflərlə əlaqələri davam etdirir.

İran İslam İnqilabı Keşikçiləri Korpusu İordaniyanın Əzraq hərbi bazasına 10 ballistik raket atıldığını açıqlayıb. İran tərəfi zərbənin ABŞ-nin komanda və idarəetmə mərkəzinə yönəldiyini bildirib. SEPAH ABŞ-nin bölgədəki hərbi bazalarının gələcək hücumlar davam edəcəyi halda hədəfə alınacağını bəyan edib. İordaniya isə daha əvvəl İran tərəfindən buraxılan səkkiz raketin qarşısının alındığını açıqlayıb. Hadisə zamanı ölən və yaralanan olmadığı bildirilib. Yaxın Şərqdə ABŞ və İran arasında artan qarşıdurma region ölkələrinin təhlükəsizlik narahatlıqlarını artırır.

Milli Məclisin sədri Sahibə Qafarova Parlamentlərarası İttifaqın videokonfransında silahlı münaqişələr zamanı ətraf mühitin qorunmasının vacibliyindən danışıb. O bildirib ki, münaqişələr yalnız insanlara deyil, təbiətə də uzunmüddətli zərər vurur. Sahibə Qafarova beynəlxalq humanitar hüququn bu sahədə mühüm rol oynadığını və parlamentlərin qanunvericilik vasitəsilə prosesə töhfə verdiyini qeyd edib. Çıxışda Azərbaycanın işğal dövründə üzləşdiyi ekoloji fəsadlara xüsusi diqqət ayrılıb. Spiker minaların insan və təbiət üçün yaratdığı təhlükəni vurğulayıb. O, Azərbaycanın azad edilmiş ərazilərdə ekoloji bərpa və minatəmizləmə layihələri həyata keçirdiyini bildirib. Sahibə Qafarova ətraf mühitin qorunmasının dayanıqlı sülhün əsas şərtlərindən biri olduğunu qeyd edib.

Prezident İlham Əliyev “Azərbaycan Respublikası Hökuməti ilə Gürcüstan Hökuməti arasında Gürcüstana elektrik enerjisinin təchizatı və elektrik enerjisinin Gürcüstan ərazisi vasitəsilə tranziti barədə Saziş”in təsdiq edilməsi ilə bağlı Fərman imzalayıb. Fərmana əsasən, saziş qüvvəyə mindikdən sonra Azərbaycan Respublikasının Energetika Nazirliyi onun müddəalarının həyata keçirilməsinin təmin edilməsi, Azərbaycan Respublikasının Xarici İşlər Nazirliyi Sazişin qüvvəyə minməsi üçün zəruri olan dövlətdaxili prosedurların yerinə yetirildiyi barədə Gürcüstan Hökumətinə bildiriş göndərməlidir.

NATO-nun Ankarada keçirilən Zirvə toplantısı çərçivəsində həyata keçirilən təhlükəsizlik tədbirləri zamanı müxtəlif cinayətlərə görə axtarışda olan 4 412 nəfər saxlanılıb.Mustafa Çiftçi qeyd edib ki, sammitin təhlükəsizliyinin təmin olunmasına ümumilikdə 56 min polis və jandarma əməkdaşı cəlb edilib. Hazırlıq işlərinə aylar əvvəl başlanılıb, Ankara və ətraf vilayətlər üzrə xüsusi təhlükəsizlik planı hazırlanıb.

"Bizim də öz gözləntilərimiz var. Ermənistan tərəfindən bildirilib ki, yeni Konstitusiya aktında əvvəlki Müstəqillik Aktına istinad edilməyəcək. Bu olduğu halda sülhün əldə edilməsində heç bir maneə qalmayacaq. Bu, nə qədər tez olsa, bir o qədər yaxşıdır", - deyə o qeyd edib.

ABŞ Mərkəzi Komandanlığı (CENTCOM) İranın hərbi infrastrukturuna qarşı yeni genişmiqyaslı hava əməliyyatının başa çatdığını açıqlayıb. Bildirilib ki, zərbələr İranın Hörmüz boğazında kommersiya gəmilərinə hücumlarına cavab olaraq həyata keçirilib.