BAKI,VOA, Fərid Mikayılov
Qazaxıstanın Pavlodar vilayətində An-2 tipli təyyarə qəzaya uğrayıb. Hadisə nəticəsində bir nəfər ölüb, digər şəxs isə xilas edilib.
VOA xəbər verir ki, qəza mayın 27-də Pavlodar vilayətinin Jelezinka kəndi yaxınlığında baş verib.
Aviasiya-kimyəvi işlər həyata keçirən An-2 təyyarəsinin ilkin ehtimala əsasən elektrik ötürücü xətlərinə toxunduğu bildirilib.
Qəza zamanı təyyarənin göyərtəsində iki nəfər olub. Hadisə nəticəsində onlardan biri həyatını itirib. Digər pilot isə Fövqəladə Hallar Xidmətinin əməkdaşları tərəfindən xilas olunub və onun vəziyyətinin stabil olduğu, huşunun yerində olduğu qeyd edilir.
Nazirlikdən bildirilib ki, hadisənin səbəblərinin müəyyənləşdirilməsi məqsədilə araşdırmalara başlanılıb və aidiyyəti qurumların əməkdaşları hadisə yerinə göndərilib.