Qazaxıstanın Pavlodar vilayətində An-2 tipli təyyarə qəzaya uğrayıb. Hadisə nəticəsində bir nəfər ölüb, digər şəxs isə xilas edilib.Qəza zamanı təyyarənin göyərtəsində iki nəfər olub. Hadisə nəticəsində onlardan biri həyatını itirib. Digər pilot isə Fövqəladə Hallar Xidmətinin əməkdaşları tərəfindən xilas olunub və onun vəziyyətinin stabil olduğu, huşunun yerində olduğu qeyd edilir.

Avstraliyada baş verən təyyarə qəzası hava nəqliyyatında fasiləyə səbəb olub. Parafild hava limanında kiçik təyyarənin, təyyarə anbarına çırpılması nəticəsində yanğın baş verib və hava limanı bütün uçuşlar üçün bağlanıb. Məlumata görə, hadisə Adelaida şəhəri yaxınlığında qeydə alınıb. Kiçik təyyarə eniş etməyə çalışarkən hələlik naməlum səbəbdən hava limanının ərazisində yerləşən təyyarə anbarına çırpılıb.

Türkiyə Milli Kəşfiyyat Xidmətinin rəhbəri İbrahim Kalın Tripolidə Liviya Prezident Şurasının sədri Məhəmməd əl-Menfi ilə görüşüb. Prezident Şurasından verilən məlumata görə, görüş zamanı Kalın Türkiyə Prezidenti Rəcəb Tayyib Ərdoğanın salamlarını Menfiyə çatdırıb. Görüşdə Türkiyə-Liviya münasibətləri ilə yanaşı, yerli və regional məsələlər müzakirə olunub. Tərəflər Liviyanın sabitliyinin regional təhlükəsizlik üçün əsas amil olduğunu vurğulayıb və bu istiqamətdə iki ölkə arasında məsləhətləşmələrin davam etdirilməsinin vacibliyini qeyd ediblər.

Türkiyənin nəqliyyat və infrastruktur naziri Abdulkadir Uraloğlu Livan hərbi heyətini daşıyarkən Ankara yaxınlığında qəzaya uğrayan təyyarənin istintaqı ilə bağlı mühüm faktları açıqlayıb. Nazir qeyd edib ki, təyyarənin səs yazan cihazındakı (CVR) bütün məlumatlar uğurla oxunub və pilotların qəzadan əvvəlki son danışıqları tam şifrələnib. Araşdırmalar nəticəsində məlum olub ki, təyyarə hələ qəza çağırışı etməzdən əvvəl qüllə ilə mütəmadi əlaqədə olub və elektrik sistemində ciddi nasazlıqlar yaşandığını bildirib.

İndoneziyanın Cənubi Sulavesi əyalətində 7 heyət üzvü və 3 sərnişin olmaqla cəmi 10 nəfəri daşıyan təyyarə ilə əlaqə kəsilib. "Indonesia Air Transport" şirkəti tərəfindən idarə olunan "ATR 42-500" tipli təyyarənin siqnalı Cənubi Sulavesinin Maros bölgəsində radarlardan itib. Hava nəqliyyatı rəsmiləri təyyarə ilə əlaqənin kəsilməsinə əlverişsiz hava şəraitinin səbəb ola biləcəyini ehtimal edirlər. Mülki Aviasiya Baş Direktorluğu tərəfindən verilən rəsmi açıqlamada təyyarənin tapılması üçün genişmiqyaslı axtarış-xilas etmə əməliyyatlarına başlanıldığı bildirilib. Hazırda müvafiq qurumlar və yerli hakimiyyət orqanları ilə sıx əlaqə saxlanılaraq hadisənin təfərrüatları araşdırılır.

Təyyarə qəzasında prezidentin ölümü siyasətin əsaslarını sarsıdan, ölkədə hakimiyyət boşluğu yarada bilən və onun gələcəyi ilə bağlı suallar doğuran mühüm məqamdır. Hər bir hadisə ilə bağlı araşdırmalar başlayır, fərziyyələr yayılır və sui-qəsd nəzəriyyələri yayılır.

Meksika Donanmasına məxsus kiçik təyyarənin ABŞ-ın Texas ştatı sahillərində qəzaya uğraması nəticəsində beş nəfər həlak olub. Açıqlamada bildirilib ki, təyyarədə dörd donanma zabiti və dörd mülki şəxs olmaqla ümumilikdə səkkiz nəfər olub. Qəza nəticəsində beş nəfər həyatını itirib, iki nəfər xilas edilib, bir nəfər isə itkin düşmüş hesab olunur.

Qazaxıstan 2025-ci ilin sonuna kimi “Azərbaycan Hava Yolları” (AZAL) şirkətinə məxsus təyyarənin Aktau aeroportu yaxınlığında qəzaya uğraması ilə bağlı araşdırma üzrə hesabat təqdim edəcək. Bunu Qazaxıstanın nəqliyyat nazirinin müavini Maksat Kaliakparov keçirilən brifinqdə deyib. Onun sözlərinə görə, hadisənin səbəblərinin müəyyənləşdirilməsi istiqamətində işlər davam etdirilir.

11 noyabrda Azərbaycan-Gürcüstan sərhədində qəzaya uğrayan C-130 hərbi yük təyyarəsi ilə bağlı araşdırmalar davam edir. Türkiyə Milli Müdafiə Nazirliyi (MSB) açıqlayıb ki, hadisə yerində aparılan qəzaya/bərpa işləri yekunlaşıb və komanda artıq Türkiyəyə qayıdıb. Bildirilib ki, hadisə yerindəki təyyarə qalıqları Kayseridəki 2-ci Əsas Baxım Fabrika İdarəsinə göndərilməkdədir və təhlil prosesinə başlanacaq.

Türkiyənin Müdafiə Nazirliyi, bir qəzetdə “Herkül ilə bağlı ilkin tespitlər” başlığı ilə yayımlanan xəbərdə yer alan məlumatların həqiqəti əks etdirmədiyini açıqlayıb. Nazirlik bildirir ki, xəbərdə qeyd olunan məqamlar davam edən araşdırmalar nəticəsində əldə olunmuş məlumatlar deyil, mənbəyi məlum olmayan şərhlərə əsaslanır. Bəyanatda, qəzaya uğramış təyyarənin qalıqlarında araşdırmaların davam etdiyi vurğulanıb.

Azərbaycan–Gürcüstan sərhədində qəzaya uğrayan hərbi nəqliyyat təyyarəsində şəhid olan Türk Hava Qüvvələri personalları ölkənin müxtəlif bölgələrində son mənzilə yola salınıb. Şəhid pilotlar və heyət üzvləri üçün Bursa, Kayseri, Ankara, Eskişehir, Karabük, Amasya, Niğde, Tekirdağ, Sakarya, Muğla, Samsun, Kırklareli, Çorum, Bilecik və Konya şəhərlərində rəsmi hərbi mərasimlər keçirilib.

Milli Müdafiə Nazirliyi açıqlayıb ki, C-130 tipli hərbi yük təyyarəsinin Gürcüstan–Azərbaycan sərhədində düşməsindən sonra inventarda olan digər C-130 təyyarələrinin uçuşları tədbir məqsədilə dayandırılıb. Azərbaycanın Qarabağ zəfərinin 5-ci ildönümü münasibətilə orada olan birliyi daşıyan C-130 tipli hərbi yük təyyarəsi Türkiyəyə qayıtmaq üçün havalandıqdan qısa müddət sonra Gürcüstan–Azərbaycan sərhədinə yaxın Signagi bölgəsində düşüb və nəticədə 20 türk əsgəri şəhid olub.