BAKI,AzerVoice, Fərid Mikayıllov
Qazaxıstan Prezidenti Kasım-Jomart Tokayevin sərəncamı ilə Jaslan Madiyev Qazaxıstan Respublikasının süni intellekt və rəqəmsal inkişaf naziri vəzifəsinə təyin edilib.
AzerVoice xəbər verir ki, Madiyevin namizədliyi daha əvvəl ölkənin mlli məclisinin İqtisadi islahatlar və regional inkişaf komitəsinin iclasında təsdiqlənmişdi.
Jaslan Madiyev kimdir?
Jaslan Madiyev 1983-cü il iyunun 13-də Almatı şəhərində anadan olub. O, ali təhsilini 2000–2004-cü illərdə Əl-Fərabi adına Qazaxıstan Milli Universitetində alaraq dünya iqtisadiyyatı və beynəlxalq maliyyə üzrə ixtisaslaşıb. Daha sonra 2006–2007-ci illərdə “Bolaşak” dövlət proqramı çərçivəsində Kolumbiya Universitetinin Beynəlxalq əlaqələr və dövlət idarəçiliyi məktəbində dövlət idarəçiliyi magistri (MPA) dərəcəsi qazanıb və iqtisadi siyasətin idarə olunması üzrə ixtisaslaşıb.
Madiyev 2015–2016-cı illərdə Massaçusets Texnologiya İnstitutunun (MIT) Sloan Biznes Məktəbində təhsilini davam etdirərək biznesin idarə olunması magistri (MBA) dərəcəsini əldə edib.