Qazaxıstan və Azərbaycan strateji tərəfdaşlığın genişləndirilməsi məsələlərini müzakirə ediblər. Danışıqlar Yermeq Köşerbayev və Azərbaycanın Qazaxıstandakı səfiri Əlimirzamin Əsgərov arasında keçirilib. Tərəflər Transxəzər Beynəlxalq Nəqliyyat Marşrutunun inkişafına xüsusi diqqət yetiriblər. Qazaxıstan Azərbaycanı bu nəqliyyat xəttinin inkişafında əsas tərəfdaşlarından biri hesab edir. Görüşdə ikitərəfli ticarətin artırılması və xammaldan kənar ixracın genişləndirilməsi imkanları nəzərdən keçirilib. Sənaye əməkdaşlığı və qarşılıqlı sərmayələrin artırılması da müzakirə olunub. Tərəflər beynəlxalq təşkilatlar çərçivəsində əməkdaşlığın davam etdirilməsinin vacibliyini vurğulayıblar. Bakı və Astana strateji tərəfdaşlıq və müttəfiqlik münasibətlərini daha da möhkəmləndirmək niyyətindədirlər.
#Astana
Kasım-Jomart Tokayev Əlimirzamin Əsgərovun etimadnaməsini qəbul edib
Təqdimat zamanı səmaya şaquli qalxma və enmə imkanına malik (eVTOL) tam elektrikli “AutoFlight Prosperity” hava gəmisi qalxacaq. Uçuş zamanı 1 pilot və 5 sərnişin üçün nəzərdə tutulmuş bu müasir model saatda 200 km/saat sürət toplamaq və 200 kilometrə qədər məsafə qət etmək gücünə malikdir. Təşkilatçılar qeyd edirlər ki, əlverişsiz hava şəraiti yaranarsa, uçuşun tarixi və vaxtı dəyişdirilə bilər.
Qazaxıstan Prezidenti Kasım-Jomart Tokayev həmkarı Rəcəb Tayyib Ərdoğan ilə Astanada keçirdiyi birgə mətbuat konfransında Türkiyənin son illərdə qazandığı nailiyyətləri yüksək qiymətləndirib. Tokayev Türkiyənin Ərdoğanın vizyoner təşəbbüsləri ilə həyata keçirilən islahatlar nəticəsində sabit inkişaf yolu izlədiyini bildirib. O, Türkiyənin təsirli və güclü bir dövlətə çevrildiyini qeyd edərək, qardaş ölkənin hər bir uğuruna sevindiklərini vurğulayıb.
Qazaxıstanın paytaxtı Astana şəhərində Birləşmiş Millətlər Təşkilatı ilə əməkdaşlıq çərçivəsində təşkil olunan Regional Ətraf Mühit Sammiti işinə başlayıb. Expo Konqres Mərkəzində keçirilən zirvə görüşünün açılış sessiyasında Qazaxıstan Prezidenti Kasım-Jomart Tokayev ilə yanaşı Qırğızıstan Özbəkistan Türkmənistan Tacikistan Monqolistan və Ermənistan prezidentləri həmçinin Azərbaycanın Baş naziri Əli Əsədov və Gürcüstanın dövlət başçısı iştirak ediblər.
Qazaxıstanda Türk Dövlətləri Təşkilatına üzv ölkələrin dövlət başçılarının qeyri-rəsmi sammitinin keçirilməsi planlaşdırılır. Qeyd olunub ki, iclasda sammitin hazırlanması və keçirilməsi məsələləri müzakirə edilib. Tərəflər eyni zamanda təşkilatın fəaliyyət qaydaları və iş mexanizmlərinə xüsusi diqqət yetiriblər.
Qazaxıstan və Türkiyə arasında nəqliyyat-logistika əməkdaşlığının dərinləşdirilməsi gündəmdədir. Qazaxıstanın Baş naziri Oljas Bektənov iki ölkə arasında dəmir yolu daşımalarının rəqabət qabiliyyətinin artırılması üçün vahid tariflərin formalaşdırılmasının vacibliyini bildirib.
Qazaxıstan Respublikasının Prezidenti Kasım-Jomart Tokayev 3-4 fevral tarixlərində Pakistana rəsmi səfər edəcək. Məlumata görə, səfər çərçivəsində Prezident Tokayev Pakistanın Baş naziri Şahbaz Şərif və ölkə Prezidenti Asif Ali Zərdari ilə yüksək səviyyəli danışıqlar aparacaq. Görüşlərdə iki ölkə arasında siyasi dialoqun genişləndirilməsi, ticarət-iqtisadi əlaqələrin gücləndirilməsi, eləcə də mədəni və humanitar əməkdaşlığın inkişaf perspektivləri müzakirə olunacaq.
Qazaxıstan 25 dekabr 2024-cü ildə Aktau şəhəri yaxınlığından “Azərbaycan Hava Yolları” (AZAL) şirkətinə məxsus təyyarənin qəzası ilə bağlı hesabat üçün Rusiya və Qərb laboratoriyalarının nəticələrini gözləyir. Bunu Qazaxıstanın Nəqliyyat Naziri Nurlan Sauranbayev Astanada keçirilən mətbuat konfransında deyib. Onun sözlərinə görə, tədqiqat materialları daxili razılaşma çərçivəsində laborator müayinə üçün Azərbaycan və Rusiyaya təqdim olunub.
Air Astana aviaşirkətinə məxsus sərnişin təyyarəsi texniki nasazlıq səbəbindən Çində məcburi eniş edib. 8 yanvar 2026-cı il tarixində Seul–Astana marşrutu üzrə həyata keçirilən KC210 reysi Pekin hava limanına təcili eniş etmək məcburiyyətində qalıb. Bildirilib ki, təyyarə havaya qalxdıqdan təxminin 2 saat sora Pekində təhlükəsiz şəkildə eniş edib.
Qazaxıstan Respublikasında 2026-cı il rəsmi olaraq “Rəqəmsallaşma və Süni İntellekt İli” elan olunub. Fərmanda qeyd olunur ki, qərar ölkədə rəqəmsallaşmanın daha da sürətləndirilməsi və süni intellekt texnologiyalarının bütün sahələrdə geniş tətbiqinin təmin edilməsi məqsədi daşıyır. Sənədə əsasən, fərman imzalandığı gündən qüvvəyə minib.
ABŞ Prezidenti Donald Tramp Qazaxıstan Prezidenti Kasım-Jomart Tokayevə bir neçə simvolik hədiyyə göndərib. Həmin hədiyyələr arasında Ağ Evin rəmzi açarı və ABŞ Prezidentinin şəxsi avtoqrafı olan beysbol papağı yer alır. Məlumata görə, etimadnamələrin təqdim olunması mərasimindən sonra keçirilən qısa söhbət zamanı Qazaxıstanın ABŞ-dakı yeni səfiri Məğjan İlyasov Prezident Donald Trampla görüşüb. Söhbət zamanı ABŞ lideri cari ilin noyabrında Oval kabinetdə Kasım-Jomart Tokayevlə keçirdiyi görüşlə bağlı təəssüratlarını bölüşüb.