Bakı. AzerVoice:
Qazaxıstan Respublikası xarici işlər nazirinin müavini Nazira Nurbayeva Koreya Respublikasının xarici işlər nazirinin siyasi məsələlər üzrə müavini Çunq Byonq-von ilə görüşüb.
AzerVoice xəbər verir ki, bu barədə Qazaxıstan Xarici İşlər Nazirliyinin mətbuat xidməti məlumat yayıb.
Məlumata əsasən, görüş zamanı tərəflər qarşıdan gələn birgə tədbirlərin qrafikini müzakirə edib, iki ölkə arasında ticarət-iqtisadi əməkdaşlığın genişləndirilməsi ilə bağlı fikir mübadiləsi aparıblar.
Bundan əlavə, qazaxıstanlı diplomat Koreyanın Samsung Electronics, Samsung C&T, Samsung Medison, Doosan Enerbility, ECOVICE, SK Ecoplant, KIGAM, GL Rapha, LS Networks və Ionia EnC kimi iri şirkətlərinin rəhbərliyi ilə görüşlər keçirib. Danışıqlar zamanı koreyalı investorlara Qazaxıstanın investisiya mühiti və investisiyaların cəlb edilməsi üçün yeni alətlər barədə məlumat verilib. Tərəflər tibb, əczaçılıq, tullantıların emalı, logistika, geologiya sahələrində birgə investisiya layihələrinin həyata keçirilməsi planlarını da müzakirə ediblər.
Koreyalı biznes rəhbərləri birgə perspektivli layihələrin həyata keçirilməsinə böyük maraq göstərib, qazaxıstanlı tərəfdaşlarla uğurlu əməkdaşlığa hazır olduqlarını bildirib.
Xəbərlərimizi “WhatsApp” kanalımızdan oxuyun
