BAKI,AzerVoice
Özbəkistan hökuməti qonşu Əfqanıstanada baş verən dağıdıcı zəlzələdən sonra humanitar yardım göndərib.
AzerVoice xəbər verir ki, baş nazir Abdulla Aripov Daşkənddə Əfqanıstan səfirliyində təşkil edilən matəm mərasimində iştirak edib və zəlzələ qurbanlarının xatirəsini yad edib.
O, həlak olanların ailələrinə və yaralananlara başsağlığı verərək, Özbəkistanın 266 ton təcili humanitar yardım göndərəcəyini açıqlayıb.
Əfqanıstanın Özbəkistandakı səfiri Əbdülqəffar Bəhr göstərilən dəstəyə görə minnətdarlığını bildirib və xüsusən Kunar vilayətindəki dağıntıların miqyasına diqqət çəkib.
Son rəsmi rəqəmlərə əsasən, zəlzələ nəticəsində 2205 nəfər həyatını itirib, təxminən 3700 nəfər yaralanıb. Minlərlə ev tamamilə dağılıb.